Xavier Gómez Noya
Na Galipedia, a wikipedia en galego.
Xavier Gómez Noya naceu o 25 de marzo de 1983 en Basilea, (Suíza), fillo de emigrantes galegos, mais na actualidade vive en Ferrol. Este triatleta, campión mundial sub-23 en 2003, campión de Europa en 2007, campión da Copa do Mundo de 2006 e de 2007 e campión do mundo en 2008, é un dos máis importantes deportistas galegos.
Especialista en natación, deporte no que posúe récords galegos en longas distancias, leva anos dedicándose ao triatlón e participou na primeira selección galega deste deporte, que debutou internacionalmente na Copa de Europa de Estoril, en 2006.
No ano 2004 non é seleccionado para os Xogos de Atenas pola Federación Española de Triatlón, o que motiva numerosas protestas do deporte en Galicia e ata no Congreso dos Deputados. Uns meses despois, o Consello Superior de Deportes retíralle a licenza para competir internacionalmente, por entender que a alta competición, sumada a unha valvulopatía aórtica que padece, lle pode supor un grave risco para a saúde. En febreiro de 2006, logo de intensas xestións e de ditames médicos internacionais, Gómez Noya recupera a licenza. Nesa mesma tempada remata segundo na Copa do Mundo de Aqaba, vence na Copa de Europa de Estoril e vence tamén na Copa do Mundo de Madrid, por diante do seu compañeiro Iván Raña, e mais na de Hamburgo e proclámase campión da Copa do Mundo, algo que nunca fixera una triatleta galego.
No ano 2007 realiza unha tempada de éxito impoñéndose en tres probas da Copa do Mundo (Lisboa, Salford, Tiszaujvaros e Beixín), e sendo podio en todos os outros triatlóns nos que participa. Nos mundiais de Hamburgo, obtivo a medalla de prata logo de que o derrotase no esprín final o alemán Daniel Unger. Ademais, conseguiu matematicamente o campionato da Copa do Mundo a falta de tres probas para o seu remate.
Integrou a selección galega de triatlón na Copa de Europa de Estoril, a canda Alberte Trillo, Aida Valiño e Saleta Castro, e na Copa de Europa de Alexandrúpoli (Grecia), con estes triatletas e ademais Antón Ruanova.
Ata a fin da tempada 2008, o seu adestrador foi José Angel Rioseco que adestra a Iván Raña[1], e foi substituído por Omar González[2].
Índice |
[editar] Mellores resultados
[editar] Campionatos do mundo
| Lugar | Posición | Data | Título |
|---|---|---|---|
 Queenstown (Nova Celandia) |
1 (Sub23) | 6.12.2003 |  Ouro (Sub23) |
 Madeira (Portugal) |
8 | 9.5.2004 | |
 Lausanne (Suíza) |
10 | 03.09.2006 | |
 Hamburgo (Alemaña) |
2 | 02.09.2007 |  Prata |
 Vancouver (Canadá) |
1[3] | 08.06.2008 | Ouro |
[editar] Copa do Mundo
| Lugar | Posto | Data | Marca | Título |
|---|---|---|---|---|
 Ton-ieon (Corea do Sur) |
4 | 12.06.2004 | 1:50'34" | |
 Salford (Reino Unido) |
9 | 25.07.2004 | 1:57'21" | |
 Madrid (España) |
6 | 19.09.2004 | 1:56'37" | |
.svg){kind=small} Doha (Bahrain) |
10 | 3.03.2006 | 1:53'00" | |
 Aqaba (Xordania) |
2 | 10.03.2006 | 1:47'35" | Prata |
| Madrid (España) |
1 | 04.06.2006 | 1:53'09" | Ouro |
| Corner Brook (Canadá) |
3 | 23.07.2006 | 1:55'10" |  Bronce |
| Hamburgo (Alemaña) |
1 | 09.09.2006 | 1:43'01" | Ouro |
 Beixín (China) |
2 | 24.09.2006 | 1:52'58" | Prata |
 Cancún (México) |
1 | 5.11.2006 | 1:47'32" | Ouro |
 Mooloolaba (Australia) |
2 | 25.3.2007 | 1:49'26" | Prata |
| Lisboa (Portugal) |
1 | 5.5.2007 | 1:52'41" | Ouro |
| Madrid (España) |
2 | 3.6.2007 | 1:55'52" | Prata |
 Des Moines (Estados Unidos) |
3 | 17.6.2007 | 1:50'46" | Bronce |
| Salford (Reino Unido) |
1 | 29.7.2007 | 1:51'47" | Ouro |
 Tiszaujvaros (Hungría) |
1 | 11.8.2007 | 1:47'44" | Ouro |
| Beixín (China) |
1 | 16.9.2007 | 1:48'41" | Ouro |
| Mooloolaba (Australia) |
1 | 30.3.2008 | 1:49'50" | Ouro |
| Novo Plymouth (Nova Celandia) |
1 | 6.4.2008 | 1:47'33" | Ouro |
| Madrid (España) |
1 | 25.5.2008 | 1:56'25" | Ouro |
| Tiszaujvaros (Hungría) |
1 | 13.7.2008 | 1:51'32" | Ouro |
[editar] Campionatos de Europa
| Lugar | Posición | Data | Marca | Título |
|---|---|---|---|---|
 Autun (Francia) |
5 | 25.6.2006 | ||
 Copenhague (Dinamarca) |
1 | 1.7.2007 | 1:51'58" | Ouro |
| Lisboa (Portugal) |
7 | 10.5.2008 | 1:54'44" |
Ademais foi campión de España sub-23 de triatlón en 2003 e prata e bronce nos campionatos de España absolutos en 2003 e 2004, respectivamente. En 2006 proclamouse campión de España de triatlón por primeira vez, por diante de Iván Raña. Foi campión de España de acuatlón en 2002, 2003 e 2004.
A súa primeira participación no Campionato de Europa foi en Autun, (Francia), en 2006, onde quedou quinto. Na súa segunda participación, en Copenhague, proclamouse vencedor.
[editar] Clubes
Ten ficha de natación co Club Natación Ferrol e ficha de triatlón no Triathlon Sartrouville, da vila francesa de Sartrouville.
[editar] Outros galardóns
- En novembro de 2006 foi elexido 'Galego do Mes' por El Correo Gallego.
- En 2007 foi considerado pola Xunta de Galicia mellor deportista galego do ano[4].
- En 2008 recibiu a medalla de prata ao Mérito Deportivo.
[editar] Notas
- ↑ Xavier Gómez Noya racha co seu adestrador, Vieiros, 18711/08
- ↑ Nuevo entrenador, Web oficial do deportista, 26/11/2008
- ↑ Gómez Noya conquista en Vancouver o seu primeiro título mundial, La Voz de Galicia, 09/06/08
- ↑ Gómez Noya, mellor deportista galego do ano, Vieiros, 01/12/2007
