La Región
La Región é un diario galego en lingua castelá fundado en 1910 e publicado na cidade de Ourense que segue a distribuírse na actualidade.
Historia e características [editar]
Saíu á rúa por primeira vez o 15 de febreiro de 1910. O seu primeiro director foi Manuel Cambón, militar. En 1913 pasou a dirixilo Marcial Ginzo Soto. Entre 1932 e 1968 estivo dirixido por Ricardo Outeiriño, e despois polo seu irmán Alejandro Outeiriño Rodríguez ata os anos noventa.
Conta con seccións dedicadas ás noticias locais das comarcas de A Limia, Allariz, Baixalimia, Carballiño, Celanova, Monterrei, Ourense, O Ribeiro e Valdeorras entre outras. Complétase con seccións centradas no resto de Galicia, España, o estranxeiro, Deportes, Economía, Cultura e Sociedade. Ademais conta con delegacións noutras localidades como Verín, Ribadavia, Santiago de Compostela e Madrid.
Segundo o día da semana inclúe suplementos centrados en distintos temas, por exemplo deportes, motor, educación, pasatempos, agricultura e sociedade.
O xornal está dirixido por Alfonso Sánchez Izquierdo, mentres que o seu editor é José Luis Outeiriño Rodríguez.
