As (xornal)

Na Galipedia, a Wikipedia en galego.
Logo diario AS.svg
Fundación 1967
Xénero Información deportiva
País España España
Cidade Madrid
Ámbito Nacional
Lingua Castelán
Periodicidade Diaria
Prezo 1

As é un xornal español de información deportiva, de tirada diaria, de pago e con distribución matinal editado polo Grupo PRISA.

Foi fundado en 1967 por Luis Montiel Balanzat, sendo o actualidade o diario deportivo máis lido na Comunidade de Madrid e o segundo diario deportivo de España tanto en tirada como en vendas e distribución.[1] Así mesmo, o seu web as.com ocupa a terceira posición por número de visitas no ranking de diarios nacionais.[2]

Historia[editar | editar a fonte]

O xornal creouse en 1967 tomando o nome dunha anterior publicación, o Semanario Gráfico As que se editou desde 1932 ata 1936. A familia de editores Montiel, encabezada entón por Luís Montiel Balanzat, decidiu aproveitar a nova Lei de Prensa de 1966 para lanzar ao mercado un xornal de carácter diario, chamado Diario As, que competise directamente con Diario Marca a nivel nacional. O primeiro número das saíu ao mercado o 6 de decembro de 1967 cunha portada dedicada ao tenista Manuel Santana e ao boxeador "Sombrita", e o seu primeiro director foi Luís González de Linares. Nos anos 90, As converteuse no primeiro diario con todas as súas páxinas a cor e no segundo diario deportivo máis vendido en España.

Tras uns anos con perdas no xornal deportivo, en 1996 o Grupo Montiel pon á venda varias publicacións entre as que se inclúe As. De forma paralela, o Grupo PRISA estaba planificando a posta en marcha dun novo diario deportivo, pero a venda das fixo que a empresa envorcase todos os seus esforzos na compra da cabeceira na que tamén estaba interesado o Grupo Zeta. Finalmente, Vicente Montiel vende a PRISA o diario As o 12 de xullo de 1996. A nova empresa mantería o mesmo equipo de traballadores ás ordes do Grupo Montiel, salvo nos cargos directivos nos que Julián García Candau abandonaría para porse no seu lugar Alfredo Relaño. Por outra banda, Vicente Montiel pasaba a ser o presidente do Consello de Administración e nas firmas do diario comezaron a aparecer xornalistas que tamén traballaban en El País, Cadena SER ou Canal+ España.

Actualmente As é o diario deportivo máis lido en Madrid e continúa como segundo diario deportivo de España -por detrás de Marca-, tanto en tirada como en vendas e distribución.

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]