Xogos Olímpicos de 2004

Na Galipedia, a Wikipedia en galego.
Xogos da XXVIII Olimpíada
Olympic rings with white rims.svg
Atenas 2004
Estados Participantes 201
Atletas 11099
Eventos 301 en 28 deportes
Cerimonia de Apertura 13 de agosto
Cerimonia de Clausura 29 de agosto
Apertura oficial Costis Stephanopoulos
Xuramento do Atleta Zoi Dimoschaki
Facho Olímpico Nikolaos Kaklamanakis
Local Estadio Olímpico de Atenas

Os XXV Xogos Olímpicos de Atenas celebráronse do 13 de agosto ao 29 de agosto de 2004. Durante 17 días xuntaron a delegados de 202 países e máis de 11.000 atletas.

As súas mascotas oficiais foron Atenea (Αθηνα) e Febo (Φοίβος), chamados así en hora da deusa Atenea e do seu irmán Apolo, antigos protectores da cidade.

O símbolo do evento foi a coroa de loureiro, dado o seu significado na Grecia antiga e nos seus primeiros Xogos Olímpicos.

Despois dun difícil período de controversias sobre e capacidade de Grecia de realizar os Xogos, causado polo atraso nas obras planeadas pola organización do evento, Atenas contou cunha popularidade nunca antes observada nos Xogos Olímpicos. Tivo un seguemento masivo a través dos medios de comunicación.

Proceso de candidatura[editar | editar a fonte]

Tras perder os Xogos Olímpicos do Centenario ante a estadounidense Atlanta, Atenas viuse inmersa nun proceso para ser elixida como sede dos Xogos Olímpicos. En setembro de 1997, en Lausana, Suíza, un ano despois de Atlanta 1996, Atenas superou á cidade de Roma, Italia, por 66 votos contra 41, sendo elixida para celebrar os Xogos da XXVIII Olimpíada. Cidade do Cabo en Sudáfrica, Estocolmo en Suecia e Bos Aires en Arxentina, foron eliminadas en rondas previas.

106º Sesión do Comité Olímpico Internacional
5 de setembro de 1997, Lausana, Suíza
Cidade País Votación
Flag of Greece.svg Atenas Grecia 32 - 38 52 66
Flag of Italy.svg Roma Italia 23 - 28 35 41
Flag of South Africa.svg Cidade do Cabo Sudáfrica 16 62 22 20 -
Flag of Sweden.svg Estocolmo Suecia 20 - 19 - -
Flag of Argentina.svg Bos Aires Arxentina 16 44 - -

Apertura[editar | editar a fonte]

Chama olímpica na cerimonia de apertura

A cerimonia de apertura dos Xogos Olímpicos realizouse o 13 de agosto de 2004, no Estadio Olímpico de Atenas, ante máis de cen mil espectadores. Logo dunha introdución sobre o carácter marítimo de Grecia, a cancha principal encheuse con auga simulando unha gran piscina. Desde este gran lago xurdiron en lapas os cinco aneis olímpicos dando inicio a unha enorme posta en escena de centos de actores en carros alegóricos relatando a historia de Grecia, contando desde a mitoloxía antiga ata os tempos actuais.

A parada de nacións xuntou 11.000 atletas representando a 201 comités olímpicos, baixo a música do neerlandés DJ Tiësto. A delegación de Afganistán, ausente nos Xogos Olímpicos desde a chegada do movemento talibán ao poder, foi calorosamente recibida do mesmo xeito que a delegación iraquí; pola contra, a delegación dos Estados Unidos foi recibida entre apupos como forma de rexeitamento á actuación dese país na Guerra de Iraq. As delegacións das dúas Coreas marcharon xuntas de xeito simbólico dado que as súas delegacións participan de xeito separado. Kiribati marchou por vez primeira, tras ser aceptada no Comité Olímpico, mentres que os representantes de Timor Oriental marcharon por vez primeira baixo a súa bandeira. A cantante islandesa Björk cantou ao final da cerimonia, antes do acendido da chama olímpica.

A cerimonia deuse por finalizada tralo aceso da chama olímpica, polo medallista de windsurf dos Xogos Olímpicos de 1996, Nikolaos Kaklamanakis.

Clausura[editar | editar a fonte]

Os xogos finalizaron o 29 de agosto. A cerimonia de clausura foi realizada no Estadio Olímpico de Atenas onde se inauguraron 16 días antes. Estímase que uns 70.000 espectadores asistiron á cerimonia de clausura.

A cerimonia iniciouse coa participación de músicos gregos, entre eles Haris Alexiou, Elefthería Arvanitáki, Dimitra Galani, Giórgos Ntaláras e Sakis Rouvas; ao mesmo tempo miles de actores realizaban actuacións con bastante humor no terreo do estadio. Acto seguido, realizouse a entrega de premios do último evento dos xogos, o maratón masculino.

A continuación cada país participante viuse representado por un atleta que portaba a súa respectiva bandeira, seguidos do resto dos atletas con todas as delegacións mesturadas.

Logo dos discursos de clausura, escoitáronse os himnos de Grecia e da China. O alcalde de Atenas pasou a bandeira olímpica ao alcalde de Beijing. Logo dunha curta presentación de actores chineses declaráronse oficialmente clausurados os Xogos Olímpicos de Atenas 2004.

Curiosidades[editar | editar a fonte]

O percorrido do facho olímpico a través do mundo
  • Antes dos Xogos de Atenas, por primeira vez o facho olímpico deu a volta ao mundo, pasando por países de todos os continentes antes de volver a Atenas.
  • As piscinas pertenceron ao estadounidense Michael Phelps, o novo fenómeno da natación, que conquistou seis medallas de ouro nun total de oito gañadas, tornándose o maior dos nadadores olímpicos despois do lendario compatriota Mark Spitz.
  • A China mostrou o seu poderío de potencia olímpica, en preparación para os Xogos de Beijing en 2008, gañando 32 medallas de ouro nun total de 63 e situándose só atrás dos Estados Unidos no cadro de medallas.
  • O grande drama de Atenas aconteceu novamente na maratón. A carreira feminina viu á favorita absoluta e marquista mundial da distancia, Paula Radcliffe, abandonar entre bágoas a disputa a pouco máis de cinco quilómetros da chegada, arrasada pola presión, a calor e o esforzo da proba, disputada no duro percorrido orixinal de subidas e baixadas entre a cidade de Maratón e o estadio Panathinaiko, o mesmo local de chegada de 108 anos atrás. A proba masculina asistiu a un acontecemento aínda maior, cando o brasileiro Vanderlei Cordeiro de Lima, liderando a carreira con máis de douscentos metros de vantaxe a sete quilómetros da final, foi atacado e derrubado para fóra da estrada por un fanático relixioso irlandés, perdendo o ritmo, a concentración e a proba a favor do italiano Stefano Baldini, mais mesmo así conquistou o terceiro lugar. Por seu espírito olímpico en continuar na competición, loitando pola vitoria após o ocorrido, Vanderlei recibiu do COI a Medalla Pierre de Coubertin.
  • o lanzamento de peso disputouse nas ruínas conservadas de Olimpia, no mesmo lugar no que se disputaban as probas 3.000 anos atrás.

Modalidades disputadas[editar | editar a fonte]

Participantes
Proba de tiro con arco no histórico estadio Panathinaiko durante os Xogos de Atenas, 2004

Cadro de medallas[editar | editar a fonte]

Cadro de Medallas Olympic rings with white rims.svg
Posición País   Gold     Silver     Bronze   Total
1 Flag of the United States.svg EUA 36 39 27 102
2 Flag of the People's Republic of China.svg China 32 17 14 63
3 Flag of Russia (bordered).svg Rusia 27 27 38 92
4 Flag of Australia.svg Australia 17 16 16 49
5 Flag of Japan.svg Xapón 16 9 12 37
6 Flag of Germany.svg Alemaña 13 16 20 49
7 Flag of France.svg Francia 11 9 13 3
8 Flag of Italy.svg Italia 10 11 11 32
9 Flag of South Korea (bordered).svg Corea do Sur 9 12 9 30
10 Flag of the United Kingdom.svg Gran Bretaña 9 9 12 30

Ligazóns externas[editar | editar a fonte]