Baltar

Para outras páxinas con títulos homónimos véxase: Baltar (homónimos).

Baltar
As Maus, coñecido como Meaus na época do Couto Mixto.
Situación
Xentilicio:	Baltareño
Xeografía
Provincia:	Provincia de Ourense
Comarca:	Limia
Poboación:	1.114 hab. (2010)
Área:	94,0 km²
Densidade:	12,44 hab./km²
Entidades de poboación:	7 parroquias
Capital do concello:
Política (2011)
Alcalde:	José Antonio Feijoo Alonso (PP)
Concelleiros:	BNG: 0 PPdeG: 7 PSdeG-PSOE: 2 Outros: -
Eleccións municipais en Baltar
Uso do galego (2001)
Galegofalantes:	99,10 %
Sitio web oficial
http://www.concellodebaltar.org/

Baltar é un concello da provincia de Ourense, pertence á comarca da Limia. Segundo o INE en 2010 tiña 1.114 habitantes (1.149 no 2006, 1.177 no 2005, 1.180 no 2004, 1.189 no 2003). O seu xentilicio (véxase no Galizionario) é Baltareño.

Evolución da poboación de Baltar - desde 1900 ata 2010 -
1900	1930	1950	1981	2004	2010
3.134	3.145	3.250	4.018	1.180	1.114
Fontes: INE e IGE (Os criterios de rexistro censual variaron entre 1900 e 2004, e os datos do INE e do IGE poden non coincidir.)

Censo Total	1.114
Menores de 15 anos	41 (3.68%)
Entre 15 e 64 anos	628 (56.37%)
Maiores de 65 anos	445 (39.94%)

Xeografía

Baltar é un concello de interior, cun relevo suave encaixado entre os Montes de Montecelo e os Montes de Boullosa e a Serra de Larouco ao sul que, chegando aos 1.300 m., constitúe o limite natural con Portugal. Está regado por dous afluentes do río Limia, o río Faramontaos e o río Salas; o primeiro descorre cara o norte e logo cara o oeste e o segundo cara o sul.

O terreno é granítico, areoso e pouco fértil. Hai bosques de frondosas e coníferas nos vales e pradairos principalmente na Serra de Larouco.

O concello está atravesado pola estrada que leva a Xinzo de Limia, a OU-1110.

Dase unha oscilación térmica acusada (14 °C), con temperaturas medias anuais baixas (10°C).

Historia

O territorio estivo poboado polos límicos até o século I, en que foi invadido por tribos bárbaras. É posíbel que no lugar de Dourique se disputase unha batalla entre o rei de Portugal e os mouros. En época medieval, era posesión da Casa de Monterrei.

Parte do concello constituíu o Couto Mixto. A partir de 1950 a emigración foi un das causas polo que na actualidade diminuíu a suá poboación ata límites nunca vistos.

Economía

Predomina o sector primario de autoconsumo (50% da poboación), seguido da construción (20%), os servizos (20%) e a industria (5%).

O 45% do chan é forestal e o 20% son pradairos e o 35% dedicase a sementar patacas, centeo, millo, berzas da horta etc... Críanse porcos, vacas , ovellas e coellos.

Cultura

Na zona comprendida entre os ríos Salas e Faramontaos atópanse as ruínas dun lugar coñecido como Saler, do que se di que provén o nome do río.

O sivo é o traxe típico da zona e facíase con liño.

Na parroquia de Santa María de Tixós atópase un dos fornos mais antigos do concello así como un cruceiro e un peto de animas digno de mención.

Galería de imaxes

Artigo principal: Galería de imaxes de Baltar.

Lugares de Baltar

Para unha lista completa de todos os lugares do concello de Baltar vexa: Lugares de Baltar.

Véxase tamén

Outros artigos

• Couto Mixto

Concellos da Comarca da Limia
Baltar	Os Blancos	Calvos de Randín	Porqueira	Rairiz de Veiga	Sandiás	Sarreaus	Trasmiras	Vilar de Barrio	Vilar de Santos	Xinzo de Limia