Tratado de Lisboa (1864)

Para outras páxinas con títulos homónimos véxase: Tratado de Lisboa.

Ponte na Raia, sobre o Miño. Comunica as vilas de Valença e Tui

No Tratado de Lisboa, tamén coñecido como Tratado de Lindes de Lisboa, asinado o 29 de setembro de 1864, establecéronse os lindes das fronteiras entre España e Portugal actualmente vixentes.

Contido

Neste tratado firmouse a desaparición do Couto Mixto, que quedou integrado en España a cambio dos Pobos promiscuos (aldeas nas que parte das súas casas estaban situadas na antiga liña fronteiriza hispano-portuguesa servindo de burladeiro aos seus moradores perante as autoridades gobernativas e alfandegarias de ámbolos dous países, ao non estar clara a súa pertenza exclusiva a un deles) de Cambedo, Soutelinho da Raia e Lamadarcos, que se cederían a Portugal. O tratado foi ratificado por España e Portugal en 1865. O documento de entrega e posesión formalizouse en Santiago (Calvos de Randín) o 23 de xuño de 1868. A vixencia do tratado comezou o 5 de novembro de 1868.

Fronteira entre Galiza e Portugal (1863)
Mapas elaborados por José de Castro a partir do recoñecemento realizado o ano anterior

Fronteira no río Miño.

Fronteira entre o río Miño e o castelo de Sandín.

Fronteira entre o castelo de Sandín e o Penedo dos Tres Reinos.

++++ Límites do Couto Mixto
++++ Fronteira pretendida polos españois
++++ Fronteira pretendida polos portugueses
++++ Fronteira non-cuestionada

Artigos

• Artigo 1º: Fronteira entre a foz do río Miño e a confluencia do río Trancoso ou Barxas
• Artigo 2º: Fronteira entre a confluencia do río Trancoso ou Barxas e a Portela do Pau
• Artigo 3º: Fronteira entre a Portela do Pau e o río Castro
• Artigo 4º: Fronteira entre o río Castro e a Cruz dos Touros
• Artigo 5º: Fronteira entre a Cruz dos Touros e o Marco do Pisco
• Artigo 6º: Fronteira entre o Marco do Pisco e as Pedras de Malrandín
• Artigo 7º: Fronteira entre as Pedras de Malrandín e o Porto de Bancelos
• Artigo 8º: Fronteira entre o Porto de Bancelos e o Outeiro de Maria Sacra
• Artigo 9º: Fronteira entre o Outeiro de Maria Sacra e a Ponte de Assureira
• Artigo 10º: Fronteira entre a Ponte de Assureira e o Vale de Ladera
• Artigo 11º: Fronteira entre o Vale de Ladera e o Outeiro de Castelo Ancho
• Artigo 12º: Fronteira entre a Outeiro de Castelo Ancho e a Cabeça de Peixe
• Artigo 13º: Fronteira entre a Cabeça de Peixe e o Portelo do Cerro de Esculqueira
• Artigo 14º: Fronteira entre o Portelo do Cerro de Esculqueira e o Penedo dos Tres Reinos
• Artigo 15º: Fronteira entre o Penedo dos Três Reinos e a Penha da Formiga
• Artigo 16º: Fronteira entre a Penha da Formiga e o Poço da Olha
• Artigo 17º: Fronteira entre o Poço da Olha e as Três Marras
• Artigo 18º: Fronteira entre as Três Marras e o Moinho da Nave Cerdeira
• Artigo 19º: Fronteira entre o Moinho da Nave Cerdeira e o Barrocal das Andorinhas
• Artigo 20º: Fronteira entre o Barrocal das Andorinhas e a Gingeira ou Curral das Colmeias
• Artigo 21º: Fronteira entre a Gingeira e o Pego da Negra
• Artigo 22º: Fronteira entre o Pego da Negra e o Marco de Badaxoz
• Artigo 23º: Fronteira entre o Marco de Badaxoz e a confluencia do río Caia co río Guadiana
• Artigo 24º: sobre a colocación dos marcos da fronteira
• Artigo 25º: sobre a permanencia dos marcos
• Artigo 26º: sobre a Illa Canosa no río Miño
• Artigo 27º: sobre a nacionalidade dos habitantes dos pobos promiscuos e do Couto Mixto
• Artigo 28º: sobre o uso dos cursos de auga, camiños e fontes comúns
• Artigo 29º: sobre as aprensións de gandos
• Artigo 30º: sobre a prevalencia en relación a outros actos
• Artigo 31º: sobre a ratificación polos soberanos dos dous países

Anexos

• Anexo I: Regulamento relativo ós ríos limítrofes entre ámbalas dúas nacións
• Anexo II: Regulamento sobre aprensións de gandos

Véxase tamén

Ligazóns externas

• Texto do tratado.