Beade

Para outras páxinas con títulos homónimos véxase: Beade (homónimos).

Beade
Situación
Xentilicio:	Beadés (non oficial)
Xeografía
Provincia:	Provincia de Ourense
Comarca:	Ribeiro
Poboación:	515 hab. (2010)
Área:	6,4 km²
Densidade:	80.48 hab./km²
Entidades de poboación:	2 parroquias
Capital do concello:
Política (2011)
Alcalde:	Senén Pousa Soto (PPdeG)
Concelleiros:	BNG: 0 PPdeG: 5 PSdeG-PSOE: 2 Outros: -
Eleccións municipais en Beade
Uso do galego (2001)
Galegofalantes:	96,22 %
Sitio web oficial
http://www.beade.es

Beade é un concello da provincia de Ourense, pertencente á comarca do Ribeiro. Segundo o IGE en 2010 tiña 515 habitantes (557 en 2007, 553 no 2006, 559 no 2005, 578 no 2004, 576 en 2003).

Evolución da poboación de Beade - desde 1900 ata 2009 -
1900	1930	1950	1981	2004	2009
1.738	1.225	1.250	1.204	578	515
Fontes: INE e IGE (Os criterios de rexistro censual variaron entre 1900 e 2004, e os datos do INE e do IGE poden non coincidir.)

Censo Total	515
Menores de 15 anos	38 (7.38%)
Entre 15 e 64 anos	325 (63.11%)
Maiores de 65 anos	152 (29.51%)

Historia

Na Idade Media a fregresía de Beade (que abranguía as parroquias de Abelenda (Avión), Beiro, Faramontaos, Muimenta (Carballeda de Avia), Orega, Berán (Leiro) e As Regadas), pertencía á Orde de San Xoán de Xerusalén, que exercía señorío a través dunha encomenda.

A Encomenda de Beade, que chegou a pertencer ao priorato de Castela, era no século XVIII a máis importante de Galiza xunto coa de Quiroga. A súa influencia aumentou nese mesmo século ao absorber a Encomenda de Pazos de Arenteiro, que pertencera á Orde do Temple, incorporando ás súas posesións o propio Pazos de Arenteiro, Albarellos Astureses (Boborás), Cusanca, Dadín, Parada de Labiote e Reádigos (O Irixo).

En 1809, durante a Guerra da Independencia Española a zona foi saqueada polos franceses. En 1823 sufríu outro saqueo, a mans dos realistas contrarios ós liberais desta zona. En xullo de 1836 a parroquia de Beade foi atacada por tropas carlistas baixo as ordes de Guillade e Pobadura, pero a agresión foi repelida coa axuda dos veciños das Regadas e Cenlle.

Galería de imaxes

Artigo principal: Galería de imaxes de Beade.

• 

  Calvario de Beade.

• 

  Porta en Beade.

Lugares de Beade

Para unha lista completa de todos os lugares do concello de Beade vexa: Lugares de Beade.