Rairiz de Veiga

Na Galipedia, a Wikipedia en galego.
Rairiz de Veiga
Escudo de Rairiz de Veiga
Igrexa de Santo André de Guillamil, Rairiz de Veiga.jpg

Igrexa de Santo André de Guillamil.
Situacion Rairiz de Veiga.PNG
Situación
Xentilicio[1] veiguense (non oficial)
Xeografía
Provincia Provincia de Ourense
Comarca Comarca da Limia
Poboación 1.527 hab. (2013)
Área 72,39 km²
Densidade 21,09 hab./km²
Entidades de poboación 8 parroquias
Política (2011)
Alcalde Xosé Xaquín Rodríguez Ambrosio
Concelleiros BNG: 1 concelleiros
PPdeG: 6 concelleiros
PSdeG-PSOE: 2
Outros: -
Eleccións municipais en Rairiz de Veiga
Uso do galego[2] (2001)
Galegofalantes 99,66%
Na rede
http://www.rairizdeveiga.es
concello.rairizdeveiga@eidolocal.es

Rairiz de Veiga é un concello da provincia de Ourense, pertence á comarca da Limia. Segundo o padrón municipal, en 2013 tiña 1.527 habitantes (1.767 en 2003).

Censo Total 1.527
Menores de 15 anos 80 (4,65 %)
Entre 15 e 64 anos 824 (54,46 %)
Maiores de 65 anos 623 (40,88 %)
Evolución da poboación de Rairiz de Veiga (desde 1900 ata 2013)
 1900  1930  1950  1981  2004  2009  2011  2012  2013
 4.084  4.151  4.463  4.114  1.788  1.673  1.622  1.568  1.527
Fontes: INE e IGE

(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Xeografía[editar | editar a fonte]

O concello ten unha superficie de 72,39 km², e abrangue 8 parroquias. Atópase na Limia Alta, a unha altitude media (entre 600 e 1.000 m).

Ocupa parte dos terreos antigamente anegados pola lagoa de Antela, conservándose algunhas charcas, como as Veigas da Ponte Liñares. As Veigas da Saínza, Ordes e Congostro forman unha valgada enchoupada, de pouca drenaxe. A zona é un un Lugar de importancia comunitaria de 15 km². Estas veigas adoitan ser zonas húmidas nas tempadas de choiva, permitindo unha grande riqueza biolóxica nos pastos e nas carballeiras. A zona está incluída na Rede Natura 2000 e na reserva da biosfera Área de Allariz. Alí atópase a carballa da Rocha.

Historia[editar | editar a fonte]

Na zona foron achados restos de palafitas, construcións propias de poboados á beira de lagos e lagoas feitas con madeira e barro, de planta circular e paramentos de cestería. Durante a cultura castrexa houbo asentamentos como o castro de Monte Albán (parroquia de Sabariz), escavado a comezos do s. XX por Florentino López Cuevillas e Vicente Risco, e onde apareceu un enxoval con numerosas pezas de cerámica campaniforme e outros materiais.

Quedou bastante pegada da romanización de Galicia, ao pasar por aquí a via XVIII do itinerario de Antonino entre Braga e Astorga, que cruzaba o río Limia na Ponte Pedriña.

Na idade media construíuse a Torre de Celme, da que non quedan restos. Xa na idade moderna construíronse o pazo de Santa María de Ordes, un conxunto de casas grandes e capela, na actualidade reformado. respecto á arquitectura relixiosa, a igrexa de Guillamil é de estilo románico. As de Lampaza e Rairiz de Veiga son do s. XVIII con portada renacentista. As de Candás, Congostro, Ordes e Sabariz son barrocas.

Durante o antigo réxime na xurisdición de Rairiz de Veiga impartían xustiza o Conde de Moctezuma (parroquias de Congostro e Ordes) e o Conde de Monterrei. O actual concello constituíuse coa división territorial de España en 1833.

Galería de imaxes[editar | editar a fonte]

Parroquias[editar | editar a fonte]

Galicia | Provincia de Ourense | Parroquias de Rairiz de Veiga

Candás (San Martiño) | Congostro (Santa Mariña) | Guillamil (Santo André) | Lampaza (Santa María) | Ordes (Santa María) | Rairiz de Veiga (San Xoán) | Sabariz (San Pedro) | Zapeaus (Santo Adrao)

Lugares de Rairiz de Veiga[editar | editar a fonte]

Para unha lista completa de todos os lugares do concello de Rairiz de Veiga vexa: Lugares de Rairiz de Veiga.

Véxase tamén[editar | editar a fonte]

Commons
Commons ten máis contidos multimedia na categoría: Rairiz de Veiga Modificar a ligazón no Wikidata


Concellos da Comarca da Limia Comarca da Limia
Baltar
Baltar
Os Blancos
Os Blancos
Calvos de Randín
Calvos de Randín
Porqueira
Porqueira
Rairiz de Veiga
Rairiz de Veiga
Sandiás
Sandiás
Sarreaus
Sarreaus
Trasmiras
Trasmiras
Vilar de Barrio
Vilar de Barrio
Vilar de Santos
Vilar de Santos
Xinzo de Limia
Xinzo de Limia


Notas[editar | editar a fonte]

  1. Véxase no Galizionario.
  2. Datos de 2001 publicados en 2004.