A Bola

A Bola
Igrexa de San Munio de Veiga.
Situación
Xentilicio	Bolense (non oficial)
Xeografía
Provincia	Provincia de Ourense
Comarca	Terra de Celanova
Poboación	1.463 hab. (2010)
Área	34,9 km²
Densidade	43,18 hab./km²
Entidades de poboación	107
Capital do concello
Política (2011)
Alcalde	María Teresa Barge Bello (BNG)
Concelleiros	BNG: 7 PPdeG: 2 PSdeG-PSOE: 0 Outros:
Eleccións municipais na Bola
Uso do galego (2001)
Galegofalantes	98,87 %
Sitio web oficial
http://www.concelloabola.es/index.php?lang=gl

A Bola é un concello da provincia de Ourense, pertencente á comarca da Terra de Celanova. Segundo o IGE en 2010 tiña 1.463 habitantes (1549 en 2004 e 1.540 en 2003).

Evolución da poboación de A Bola - desde 1900 ata 2011 -
1900	1930	1950	1981	2004	2009	2011
4.043	3.988	3.906	2.248	1.549	1.463	{{{7}}}
Fontes: INE e IGE (Os criterios de rexistro censual variaron entre 1900 e 2004, e os datos do INE e do IGE poden non coincidir.)

Toponimia

O Concello da Bola debe o seu nome á bóla granítica situada no lugar da Bola. Foi alterada por unha serie de fracturas perpendiculares á superficie, formándose barrocais de bólas amoreadas unhas sobre as outras, en equilibrio natural sobre unha das súas superficies máis pequenas.

Censo Total	1.486
Menores de 15 anos	88 (5.92%)
Entre 15 e 64 anos	794 (53.43%)
Maiores de 65 anos	604 (40.64%)

Xeografía

O concello, de 39,9 km², limita ao norte coa Merca, ao sur con Verea, ao leste con Allariz e Vilar de Santos, e ao oeste con Celanova.

Está situado nunha zona de media montaña, preminentemente chá, nas estribacións da cara leste da serra do Leboreiro, ao pé dos cumios do Forriolo, Monte Calvo e San Cibrao. A altitude media está entre os 500 e 600 m. A altitude máxima é o monte do San Cibrao (914 m), e a mínima no regato de Fechiñas, no límite con Celanova e A Merca (300 m), ao noroeste.

Ten un clima continental, cunha temperatura media anual de 10,5 ºC e unha amplitude térmica de 13,4 ºC. , Hai un prolongado período de frío entre novembro e abril, e a precipitación anual media é de 1.038 mm, cunha acusada seca no verán.

A hidrografía está determinada polo curso medio do río Arnoia e por varios afluentes, destacando entre eles o río Orille. Este curso, procedente de Verea, delimita boa parte dos límites occidentais do concello. Nel desembocan os regatos das Momoelas, da Amunía, do Castro e do Porto, na zona sur do concello, e con dirección leste-oeste. Na zona norte os ríos Fechiñas e Porto conflúen pouco antes de saír do concello e desaugar no Arnoia.

Cara ao leste está a zona máis accidentada, no Monte Calvo e no Furriolo, que dividen as cuncas do río Limia e do Miño.

Política

As últimas eleccións municipais deixaron a situación de A Bola deste xeito:

Eleccións municipais, 27 de maio de 2007
Partido	Votos	%	Concelleiros
BNG	862	68.58 %	7
PP	321	25.54 %	2
PSOE	71	5.65 %	0

• Alcalde electo: María Teresa Barge Bello (BNG).

Historia

Polo concello pasaba a Vía XVIII do itinerario de Antonino, pero non tivo unha gran poboación. A zona comezou a repoboarse cara aos séculos IX (época da construción do mosteiro de San Munio de Veiga) e X.

Na Idade Media o concello estivo baixo influencia do mosteiro de San Salvador de Celanova, estando baixo a súa xurisdición parte do territorio. Outras zonas do municipio estaban baixo as xurisdicións de Berredo, Fruíme, Vilaverde e Sorga, da baixa nobreza, e a de Vilariño do Campo, pertencente ao conde de Maceda. O mosteiro de San Munio da Veiga era independente do de Celanova debido a que era responsable da Encomenda de San Marcos de León, integrada na Orde de Santiago.

Na Idade Moderna construíronse os pazos de Berredo, Podentes e Sorga.

No século XIX as xurisdicións deron paso aos concellos constitucionais de Berredo e Soutomel, que en 1835 se fusionaron no da Bola.

Galería de imaxes

Artigo principal: Galería de imaxes da Bola.

• 

  Tímpano dunha porta da Igrexa de San Munio de Veiga

Lugares da Bola

Para unha lista completa de todos os lugares do concello da Bola vexa: Lugares da Bola.

Véxase tamén

• Eleccións municipais na Bola