Chandrexa de Queixa

Na Galipedia, a Wikipedia en galego.

Coordenadas: 42°15′36.5″N 7°22′46.5″W / 42.260139°N 7.379583°W / 42.260139; -7.379583

Chandrexa de Queixa
Escudo de Chandrexa de Queixa
Chandrexa de Queixa, Celeiros, Casa do Concello.JPG

Casa do concello
Situacion Chandrexa de Queixa.PNG
Situación
Xentilicio[1] chandrexao (non oficial)
Xeografía
Provincia Provincia de Ourense
Comarca Comarca da Terra de Trives
Poboación 560 hab. (2013)
Área 171,8 km²
Densidade 3,26 hab./km²
Entidades de poboación 18 parroquias
Capital do concello Celeiros
Política (2011)
Alcalde Francisco Rodríguez Rodríguez
Concelleiros BNG: 0
PPdeG: 6
PSdeG-PSOE: 1
Outros: -
Eleccións municipais en Chandrexa de Queixa
Uso do galego[2] (2001)
Galegofalantes 97,22%
Na rede
www.concellodequeixa.org
correo@concellodequeixa.org

Chandrexa de Queixa é un concello da provincia de Ourense, pertencente á comarca da Terra de Trives e que forma parte da Ribeira Sacra. Segundo o padrón municipal, no ano 2013 tiña 560 habitantes (854 en 2003).

Demografía[editar | editar a fonte]

Evolución da poboación de Chandrexa de Queixa (desde 1900 ata 2013)
 1900  1930  1950  1981  2004  2009  2011  2012  2013
 2.949  2.935  2.578  1.226  830  639  {{{7}}}  {{{8}}}  {{{9}}}
Fontes: INE e IGE

(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Censo total 639
Menores de 15 anos 23 (3,59 %)
Entre 15 e 64 anos 343 (53,67 %)
Maiores de 65 anos 273 (42,72 %)

Xeografía[editar | editar a fonte]

O concello limita ao norte cos concellos de Castro Caldelas e San Xoán de Río (mediante a serra do Burgo), ao sur con Laza e Vilariño de Conso (serra de Queixa), ao leste con Pobra de Trives e Manzaneda, e ao oeste con Montederramo (serra de San Mamede). Ten 172,75 km².

Sitúase no Macizo Central Ourensán, e está atravesado polos ríos Requeixo, Deorelle, e Queixa, afluentes do río Navea. Os 35 núcleos de poboación están situados entre os 1.000 e os 1.200 metros de altitude. O concello está a 6 km da estación de esquí de Cabeza de Manzaneda.

Está comunicado a través da estrada OU-536.

Ten un clima de media montaña, con invernos moi fríos e veráns calorosos. As precipitacións non pasan de 1.100 mm por ano sufrindo unha moderada seca durante o verán. O chan é granítico cara ao leste e de lousa cara ao oeste. Sobre o subsolo hai unha capa de terra fértil, na que se asenta unha densa vexetación.

Historia[editar | editar a fonte]

Os primeiros restos humanos atopados no concello datan da romanización, dado que a vía Nova do itinerario de Antonino bordeaba os terreos do concello.

O papa Alexandre III menciona nunha bula de 1163 o priorato de Vilar, como parte dos territorios do mosteiro de Montederramo. Na biblioteca do mosteiro consérvase documentación sobre cesións e doazóns do mosteiro e dos señores nobres, estando esta zona baixo o influxo do conde de Lemos e do conde de Ribadavia.

En 1580 Filipe II quitou o priorato ao mosteiro, pero impuxo aos veciños un imposto de 393 fanegas de pan a entregar ao mosteiro.

O concello de Chandrexa de Queixa foi creado mediante o Real Decreto do 23 de xullo de 1835, sendo variable a capital en función da residencia do alcalde, pero a vila máis importante era Chandrexa. En 1945 comezou a construción do encoro de Chandrexa de Queixa no río Navea, o que propiciou o medre da vila de Celeiros. En 1960 acordouse mediante referendo establecer a capitalidade en Celeiros.

Toponimia[editar | editar a fonte]

O topónimo composto débese na súa primeira parte a "chan da igrexa", e na segunda a "Queixada, depresión en forma de caixa", que dá nome á parroquia chá de Queixa[3].

Patrimonio[editar | editar a fonte]

Entre a arquitectura relixiosa, ademais das igrexas parroquiais, destaca a capela e o cruceiro de Parafita.

Entre a arquitectura popular destacan os fornos de leña, como o das Forcadas, ou o Casal de Drados. En Celeiros destaca o Museo Etnográfico.

Galería de imaxes[editar | editar a fonte]

997 msnm.  
Encoro de Chandrexa de Queixa.  
Panel informativo.  

Parroquias[editar | editar a fonte]

Galicia | Provincia de Ourense | Parroquias de Chandrexa de Queixa

Cadeliña (San Pedro) | O Candedo (Santa María) | Casteligo (San Martiño) | Casteloais (San Pedro) | Celeiros (San Martiño) | Chandrexa (San Pedro) | Chaveán (San Bartolomeu) | Drados (Santo Isidoro) | Fitoiro (San Paio) | Fonteita (Santo André) | Forcadas (Santa María) | Parada Seca (Santa María) | Parafita (San Bartolomeu) | Queixa (Santa Cruz) | Rabal (Santa María) | Requeixo (Santa María Madanela) | San Cristovo (San Cristovo) | Vilar (San Cosme)

Lugares de Chandrexa de Queixa[editar | editar a fonte]

Para unha lista completa de todos os lugares do concello de Chandrexa de Queixa vexa: Lugares de Chandrexa de Queixa.

Notas[editar | editar a fonte]

  1. Véxase no Galizionario.
  2. Datos de 2001 publicados en 2004.
  3. Cabeza Quiles, F.: Os nomes de lugar. Ed. Xerais, Vigo 1992.

Véxase tamén[editar | editar a fonte]

Commons
Commons ten máis contidos multimedia na categoría: Chandrexa de Queixa Modificar a ligazón no Wikidata


Concellos da Comarca da Terra de Trives Comarca da Terra de Trives
Chandrexa de Quiexa
Chandrexa de Queixa
Manzaneda
Manzaneda
A Pobra de Trives
A Pobra de Trives
San Xoán de Río
San Xoán de Río