Castrelo de Miño

Para outras páxinas con títulos homónimos véxase: Castrelo.

Castrelo de Miño
Encoro de Castrelo de Miño.
Situación
Xentilicio	Miñense (non oficial)
Xeografía
Provincia	Provincia de Ourense
Comarca	Ribeiro
Poboación	1.870 hab. (2010)
Área	39,7 km²
Densidade	49,90 hab./km²
Entidades de poboación	7 parroquias
Capital do concello	Cortiñas
Política (2011)
Alcalde	Xurxo Rodríguez Méndez (BNG)
Concelleiros	BNG: 5 PPdeG: 2 PSdeG-PSOE: 1 Outros: 1
Eleccións municipais en Castrelo de Miño
Uso do galego (2001)
Galegofalantes	99,70 %
Sitio web oficial
http://www.castrelo.org/

Castrelo de Miño é un concello da provincia de Ourense, pertencente á comarca do Ribeiro.

Xeografía

Castrelo de Miño limita ó oeste co concello de Ribadavia, ao norte con Cenlle, ó leste con Toén, ó sur con Cartelle e A Arnoia. Abrangue una superficie de 39,7 km² nos que acolle unha poboación de 1.928 habitantes (conforme o padrón de 2010, 2.044 en 2004), distribuídos nas parroquias de Astariz, Barral, Castrelo de Miño, Macendo, Ponte Castrelo, Prado de Miño e Vide de Miño. A capital municipal é o lugar de Barral, na parroquia de Barral (42º 17' 20" N- 8º 05' O ). Está adscrito ó partido xudicial de Ribadavia e á provincia e diocese de Ourense.

Evolución da poboación de Castrelo de Miño - desde 1900 ata 2011 -
1900	1930	1950	1981	2004	2009	2011
4.378	4.845	4.951	5.508	2.044	1.870	{{{7}}}
Fontes: INE e IGE (Os criterios de rexistro censual variaron entre 1900 e 2004, e os datos do INE e do IGE poden non coincidir.)

O río máis importante que atravesa o concello é o Miño.

Clima

Climaticamente atópase baixo un microclima mediterráneo. A temperatura media anual é de 14,9 °C e a precipitación anual media é de 790 mm. Distínguese unha área de terras baixas e outra coas montañas que rodean o val.

Historia

A historia de Castrelo de Miño, coñecido na Idade Media como "Castrum Minei", estivo ligada a un mosteiro dúplice, que pertenceu sucesivamente ao bispo de Ourense, á Orde de San Xoán de Xerusalén e á encomenda de Quiroga.

A igrexa de Santa María atópase ao pé da presa. No ano 947 era mosteiro de monxas, unha das súas máis destacadas abadesas foi dona Goto, a viúva do rei de Galicia Sancho Ordóñez. O rei de León, Sancho O Craso, foi envelenenado neste monasterio no ano 967. Esta igrexa mantén parte da torre románica e un ábsida semicircular do século XII. Conta cun arco triunfal de medio punto. No exterior hai relevos románicos. Gran parte da igrexa foi construida en 1763, en estilo barroco.

O río Miño marcou a actividade deste concello. Na Idade Media existiu unha ponte que se derrubou no século XVI, os seus servizos foron suplidos por unha barca. A construcción do encoro en 1969 por FENOSA que asolagou parte das terras do concello, levou consigo a oposición dos agricultores pola contía das indemnizacións, as consecuencias ambientais e a desaparición de terras fértiles.

Economía

A economía do concello depende de maneira maioritaria do sector primario (representa aproximadamente o 50% da poboación), máis concretamente do sector vitivinícola. A gandería ten pouco peso no concello e limítase a granxas porcinas provedoras da cooperativa COREN. O sector industrial representa un 20% da poboación activa, onde destaca algunha fabrica téxtil e o encoro de Fenosa. O sector servizos do concello limítase a cubrir as necesidades básicas.

Parque Náutico de Galicia

O Clube Náutico Castrelo de Miño é o Centro Náutico de referencia do interior de Galicia grazas á súa gran superficie de auga embalsada e as súas amplas e completas instalacións, reunindo as condicións idóneas para a práctica dos deportes náuticos.

O Clube Náutico Castrelo de Miño leva funcionando 18 anos e realízanse actividades deportivas con carácter turístico-recreativo e adestramento-competición, de vela, remo e piragüismo. Ofrécense cursos de iniciación e perfeccionamento todo o ano e realízanse competicións de carácter autonómico e estatal, polo que se converte nun lugar perfecto para gozar do deporte e a natureza.

Deportes

O Castrelo Club de Fútbol é o equipo do concello e de creación recente (2010), na tempada da súa estrea tan só sumou 12 puntos clasificando penúltimo no grupo XV da terceira autonómica galega. Na tempada 2010-2011 despois dun mal inicio, o equipo encadenou unha racha de victorias e conseguiu pasar da primera fase da Copa Deputación, caendo na rolda seguinte. Unha serie de malos resultados levaron á dimisión do entón adestrador José Alberte, facéndose cargo do mesmo Eduardo Pereiras. Finalmente rematou na décima posición mellorando considerablemente os rexistros da tempada anterior. Para a tempada 2011-2012 anunciouse a chegada dun novo adestrador ademáis de movementos nas entradas e saídas de xogadores.

Festas gastronómicas

• Festa de Nosa Señora das Neves - Barral - 4, 5 y 6 de Agosto: Dentro do programa das festas atópase a festa gastronómica da anguía.
• San Roque - Macendo - 15 y 16 de Agosto

Galería de imaxes

Artigo principal: Galería de imaxes de Castrelo de Miño.

• 

  Igrexa de Santa María de Prado de Miño

• 

  Igrexa de Santa María de Castrelo de Miño.

• 

  Igrexa de Santo Estevo de Ponte Castrelo.

Lugares de Castrelo de Miño

Para unha lista completa de todos os lugares do concello de Castrelo de Miño vexa: Lugares de Castrelo de Miño.

Véxase tamén

Concellos da Comarca do Ribeiro
Arnoia	Avión	Beade	Carballeda de Avia	Castrelo de Miño	Cenlle	Cortegada	Leiro	Melón	Ribadavia