A Gudiña

Para outras páxinas con títulos homónimos véxase: A Gudiña (homónimos).

A Gudiña
Casa do Concello
Situación
Xentilicio	gudiñao (non oficial)
Xeografía
Provincia	Provincia de Ourense
Comarca	Comarca de Viana
Poboación	1562 hab. (2010)
Área	171,4 km²
Densidade	9,11 hab./km²
Entidades de poboación	8 parroquias
Capital do concello
Política (2011)
Alcalde	Guillermo Lago Pérez (PPdeG)
Concelleiros	BNG: 1 PPdeG: 5 PSdeG-PSOE: 3 Outros: -
Eleccións municipais na Gudiña
Uso do galego (2001)
Galegofalantes	98,60%
Páxina web oficial
-

A Gudiña é un concello da provincia de Ourense, pertencente á comarca de Viana. Segundo o IGE en 2010 tiña 1.562 habitantes (1.625 en 2004, 1.651 en 2003).

Evolución da poboación de A Gudiña (desde 1900 ata 2012)
1900	1930	1950	1981	2004	2009	2011	2012
2.697	2.465	2.275	2.605	1.625	1.562	{{{7}}}	{{{8}}}
Fontes: INE e IGE (Os criterios de rexistro censual variaron entre 1900 e 2004, e os datos do INE e do IGE poden non coincidir.)

Censo Total	1.548
Menores de 15 anos	126 (8,14 %)
Entre 15 e 64 anos	967 (62,46 %)
Maiores de 65 anos	491 (31,72 %)

Xeografía

O concello, de 171,4 km², abrangue 8 parroquias. Limita ao norte con Viana do Bolo, ao sur con Portugal, ao leste coa Mezquita, ao noroeste con Vilariño de Conso, ao oeste con Castrelo do Val e ao suroeste con Riós.

Está comunicada coa estrada N-525, que vai de Ourense cara a Benavente, se ben o tráfico pesado adoita ir pola autovía A-52. A estrada C-535 une a vila da Gudiña con Viana do Bolo.

Historia

No concello consérvanse restos megalíticos, con varias mámoas, así como os restos dun poboado castrexo. Durante a romanización de Galicia houbo unha explotación mineira de estaño.

O 15 de maio de 1167, Fernando II doou ao mosteiro de Montederramo mediante un privilexio a herdade da Coelleira.

O 15 de xuño de 1506 pasaron a noite na vila o rei Filipe I de Castela e a súa muller Xoana, que desembarcaran na Coruña e se dirixían preto da Pobra de Sanabria para reunirse o día 20 con Fernando II de Aragón. Dado que os habitantes acudiran a recibilos cando comeron no mesón da Canda, o rei concedeulles en Cédula Real o uso dun escudo coa coroa real, consistente nun brasón dividido en dúas metades cun triángulo no ángulo inferior. Na metade esquerda levaría a cabeza dun santo, co aro de coroa sobre ela e dúas palmas cruzadas, que significaban o martirio de San Francisco, queimado en Xapón. Na metade dereita tería a cabeza doutro santo, tamén con coroa de aro, e a figura dunha loba rampante, que significaba o milagre, en que o animal arrancou do costado do Santo un tumor maligno que sufría. No ángulo inferior do escudo había una portada de dobre folla no seu interior, coas portas abertas e unha capela.

O edificio do cárcere tiña o escudo da casa de Monterrei.

Galería de imaxes

Artigo principal: Galería de imaxes da Gudiña.

• 

  Igrexa da Gudiña

• 

  Estatua do beato Sebastián de Aparicio

• 

  Entre A Gudiña e Vilariño de Conso

• 

  Vista da estrada nacional

Lugares da Gudiña

Para unha lista completa de todos os lugares do concello da Gudiña vexa: Lugares da Gudiña.