Praza das Bárbaras

Na Galipedia, a Wikipedia en galego.

Coordenadas: 43°22′15″N 08°23′30″O / 43.37083, -8.39167

Entrada ao convento.

A Praza das Bárbaras é unha praciña situada na Cidade Vella da Coruña na que se atopa un convento das Clarisas. Confórmana dous muros exteriores do Convento das Madres Clarisas, está adornada con acacias e conta cun cruceiro no centro. Foi declarada conxunto histórico-artístico o 11 de marzo de 1971.[1]

Historia[editar | editar a fonte]

Relevo da fachada.

O convento construíuse sobre unha capela do século XV e foi reformado en 1613. Sobre a porta de entrada colocouse un relevo que puido pertencer a un baldaquino ou a un sartego gótico do século XIV que representa a peregrinación como unha das vías penitenciais para a salvación. Mostra o Xuízo Final e está presidido pola Trindade; o Pai Eterno sostén o Cristo crucificado, acompañado pola lúa e o sol. Á esquerda, o arcanxo San Miguel pesa as almas de peregrinos e monxes que van chegando pola dereita, entre árbores. Á dereita aparecen San Miguel e un dragón. No interior, outro relevo (pertencente talvez á capela primitiva) mostra a Santa Catarina e a Santa Bárbara.

Notas[editar | editar a fonte]

Véxase tamén[editar | editar a fonte]

Outros artigos[editar | editar a fonte]