Praza de Pontevedra (A Coruña)

Na Galipedia, a Wikipedia en galego.

Coordenadas: 43°22′5″N 8°24′26″O / 43.36806, -8.40722

Instituto Eusebio da Guarda, na praza de Pontevedra.

A praza de Pontevedra é un espazo público da cidade da Coruña e sitúase entre a rúa de San Andrés e a Avenida de Pedro Barrié de la Maza, moi preto das praias urbanas do Orzán e Riazor.

Historia[editar | editar a fonte]

A principios do século XX a praza era o lugar de contratación de labregos para marcharen á sega a outras rexións.

A praza recibiu diferentes nomes ata que en 1910 o concello unificounos no actual, suprimindo os de Praza do Instituto, Campo de Carballo e Porta da Torre de Arriba.[1]

Pablo Picasso pasou parte da súa infancia nela, xa que é alí onde estaba o seu instituto e a escola de Belas Artes, onde estudou cando residía na Coruña coa súa familia.

Arquitectura[editar | editar a fonte]

Amais do instituto e das escolas da Guarda, obra do arquitecto Faustino Domínguez Coumes-Gay, é salientábel tamén a Casa Salorio, edificio de estilo ecléctico[2] con trazos modernistas,[3] obra de Antonio López Hernández.[4]

A casa Escariz (1925-1930), de Eduardo Rodríguez-Losada Rebellón,[5] ten decoracións inspiradas no mundo clásico.[6]

Galería de imaxes[editar | editar a fonte]

Notas[editar | editar a fonte]

  1. Llamadla solo Plaza de Pontevedra
  2. "Casa Salorio". Turgalicia. Consultado o 21 de novembro de 2015. 
  3. "A arquitectura modernista". Coruña Turismo. Consultado o 21 de novembro de 2015. 
  4. "Casa Salorio". Concello da Coruña. Consultado o 21 de novembro de 2015. 
  5. Garrido Moreno, Antonio. La galería gallega: una tipología tradicional en permanente evolución (PDF) (en castelán). Anuario Brigantino. Consultado o 6 de decembro de 2015. 
  6. Casa Escariz

Véxase tamén[editar | editar a fonte]

Bibliografía[editar | editar a fonte]

  • García López, Alfonso (2009). Calles con historia (en español). A Coruña: Espacio Cultura. ISBN 978-84-938089-1-4.