AC-12

AC-12 Avenida do Exército (A Coruña) Avenida da Pasaxe (A Coruña) Avenida das Mariñas (Oleiros) Rúa de Curros Enríquez (Cambre)
Inicio da autovía urbana da Coruña, AC-012 (treito da Xunta de Galicia)
Tipoloxía	estrada multicarril
Rede	Rede de estradas do Estado
Lonxitude	9,47 km
Localización
Inicio	Porto da Coruña
Fin	N-VI  Oleiros
Circulación
Velocidade máxima	80 km/h

A AC-12, ou Avenida da Pasaxe, é unha estrada urbana multicarril da área metropolitana da Coruña, consecuencia do desdobramento da N-6. Conecta o porto da Coruña co último tramo de estrada convencional da propia N-6 (km 586), no lugar do Carballo (San Pedro de Nós, Oleiros), tras 9,47 km.

Tramos e denominacións

Avenida do Exército (A Coruña)

Constitúe a prolongación natural da Avenida de Primo de Rivera desde o seu cruzamento coa Rúa Ramón y Cajal e a Estrada do Porto, até o Miradoiro dos Castros, a partir do cal pasa a se denominar Avenida da Pasaxe. Foi inaugurada o 19 de xullo de 1976 polo rei Xoán Carlos I.

Conxunto de vivendas ao pé da Avenida do Exército, co Parque de San Diego en primeiro plano.

Avenida da Pasaxe (A Coruña)

Parte do Miradoiro dos Castros, atravesando o barrio homónimo en dous niveis grazas a un falso túnel que permite o tránsito peonal polo nivel superior. Unha ponte salva o cruzamento coa liña férrea León - A Coruña e viaduto, a conexión coa estrada das Xubias máis a AC-10. Consitúe a principal vía de acceso aos distintos centros do CHUAC e conclúe na Ponte da Pasaxe (mudando a súa denominación por se adentrar no termo municipal de Oleiros). Previamente á ponte que salva a Ría do Burgo, converxe coa AC-11 e Avenida de Fonteculler.

Vista nocturna da Avenida da Pasaxe na altura da curva de Casabranca.

A Ponte da Pasaxe une a Avenida da Pasaxe (A Coruña) coa das Mariñas (Oleiros).

Avenida das Mariñas (Oleiros) e Rúa Curros Enríquez (Cambre)

O tramo comprendido entre o cruzamento do Seixal e a AC-11 é unha variante da N-VI orixinal (hoxe denominada Avenida de Fonteculler, que provén do Temple). A súa denominación divídese entre a Avenida das Mariñas oleirense e a Rúa Curros Enríquez, xa en terras do Concello de Cambre.

Biblioteca municipal de Perillo, na Avenida das Mariñas.

AC-12 polo Temple, baixo o nome de Rúa Curros Enríquez.

Saídas

Numéro de saída	Nome da saída	Enlaces
	A Coruña Centro - Avenida de Alfonso Molina Avenida de Acea da Ma Betanzos  N-VI	AC-11
02	Centro Oncolóxico de Galicia
02	Instituto Médico de Cirurxía de Galicia
05	Polígono industrial Agrela - Bens Avenida Alfonso de Molina Rolda de Camilo José Cela Acceso sur ao Porto da Coruña	AC-10
07	Rolda Outeiro - Universidade da Coruña
	Porto da Coruña Soamente para vehículos autorizados
	A Coruña Centro - Avenida de Primo de Rivera

Véxase tamén

Bibliografía

• García López, Alfonso (2009). Calles con historia (en castelán). A Coruña: Espacio Cultura. ISBN 978-84-938089-1-4.