Carlos Negreira

Na Galipedia, a Wikipedia en galego.
Carlos Negreira
Carlos Negreira

PP 2015.png
Presidente provincial do PP
por A Coruña
2008 – 2016
Precedido por Juan Juncal
Sucedido por Diego Calvo

Escudo de A Coruña.svg
Alcalde da Coruña
11 de xuño de 2011 – 13 de xuño de 2015
Precedido por Javier Losada
Sucedido por Xulio Ferreiro

18 de xullo de 2005 – 6 de xaneiro de 2009

Datos persoais
Nacemento 16 de xullo de 1960 (57 anos)
Río de Janeiro, Flag of Brazil.svg Brasil
Partido Partido Popular de Galicia
Profesión Político
Alma máter Universidade de Santiago de Compostela
Residencia A Coruña
Sitio web Carlos Negreira 2015
Twitter @carlosnegreira

Carlos Negreira Souto, nado en Río de Janeiro o 16 de xullo de 1960, é un político galego militante do PPdeG.

Traxectoria[editar | editar a fonte]

Está licenciado en Dereito pola USC. Foi deputado no parlamento de Galiza en diferentes lexislaturas, sempre baixo as siglas do PPdeG. Ten traballado ocupando distintos cargos en áreas de goberno como a Consellaría de Economía e Facenda, entre os anos 1988 e 1992, a Consellaría de Sanidade no período que vai de 1992 a 1996 ou, fóra destas, tamén como director de Recursos Humanos de Aena, en 1999. Ostentou así mesmo un cargo de responsabilidade en Correos, amais de ter sido presidente de Portos de Galicia.

Tras as eleccións ao Parlamento de Galicia 2005, foi elixido deputado autonómico para a 7.ª lexislatura (2005–2009).[1]

Desde 2007 ocúpase da presidencia provincial do PPdeG pola provincia da Coruña e foi voceiro parlamentario do seu grupo no concello da cidade homónima. Nas eleccións municipais de 2011 o seu partido gañou a alcaldía da Coruña, cidade a onde Negreira se presentaba como candidato.

Após as eleccións municipais de 2015 en Galicia, cando o PPdeG perde a maioría absoluta que ostentaba, ten que deixar o seu cargo de alcalde tras apoiar PSdeG-PSOE e Bloque Nacionalista Galego a candidatura da Marea Atlántica como segunda forza máis votada, situando a Xulio Ferreiro á fronte da corporación municipal coruñesa.

O 5 de febreiro de 2016 formalizou a súa renuncia á acta de concelleiro (que anunciara días antes), e que resultou efectiva tras o pleno municipal do 11 de febreiro.[2][3] Un mes máis tarde sería relevado na presidencia provincial do PPdeG por Diego Calvo[4].

Perfil polémico[editar | editar a fonte]

En 2009, a trama Gürtel tocouno, chegando a ser investigado por corrupción[5], pois Negreira era o presidente de Portos de Galicia e por tanto tiña relación con Pablo Crespo, un dos principais imputados, que está pendente[Cómpre referencia] de xuízo acusado de branqueo de capitais, fraude fiscal, tráfico de influencias e suborno[6]. Por outra banda, Carlos Negreira é acusado polos seus adversarios políticos de representar a extrema dereita galega[7], despois de manifestacións de exaltacións de figuras como Millán Astray[8] ou a súa teima política contra o topónimo A Coruña, que insiste en castelanizar malia a única oficialidade do topónimo galego[9].


Predecesor:
Javier Losada
 Escudo de A Coruña.svg
Alcalde da Coruña
 
2011 – 2015
Sucesor:
Xulio Ferreiro

Notas[editar | editar a fonte]

Véxase tamén[editar | editar a fonte]

Outros artigos[editar | editar a fonte]