AC-862

Na Galipedia, a Wikipedia en galego.
AC-862
Ponte de Xuvia.JPG
Ponte da AC-862 sobre o río Xuvia
Tipoloxía Estrada convencional
Rede Rede de estradas de Galicia
Lonxitude 69,51 km
Localización
Inicio Límite municipal de Ferrol
Fin  LU-862  Provincia de Lugo
Circulación
Velocidade máxima 90 km/h

A estrada autonómica AC-862 é unha vía pertencente á Rede Primaria Básica convencional da Rede de estradas de Galicia. Parte do límite municipal de Ferrol con Narón e termina o seu trazado no límite coa provincia de Lugo, no termo municipal do Vicedo, tras cruzar o Río Sor. Anteriormente denominábase C-642.[1]

Características[editar | editar a fonte]

No seu trazado, atravesa o núcleo urbano de Narón, o barrio de Xuvia, e os núcleos urbanos de San Sadurniño e Ortigueira, entre outros lugares. Tras superar a entrada da vila do Barqueiro, unha ponte cruza o río Sor, logo do cal comeza a provincia de Lugo, onde a estrada cambia de nomenclatura, pasando a denominarse LU-862. Xa con esta denominación, conecta con Viveiro e termina o seu percorrido nos arredores de San Cibrao, no cruzamento coa estrada N-642.

Actualmente, atópase en diversas fases de construción o CG-1.3 no seu percorrido pola provincia da Coruña, que servirá de alternativa á AC-862. A variante de Ortigueira foi inaugurada o 2 de xullo de 2013.

Notas[editar | editar a fonte]

  1. "Rede Autonómica de Estradas A CORUÑA" (PDF). Consellaría de Medio Ambiente, Territorio e Infraestruturas. Xunta de Galicia. Consultado o 08.08.2017. 

Galería de imaxes[editar | editar a fonte]