Conservatorio profesional de música Manuel Quiroga

Na Galipedia, a Wikipedia en galego.
Saltar ata a navegación Saltar á procura

Coordenadas: 42°25′31″N 08°37′46″O / 42.42528, -8.62944

Conservatorio Profesional de Música "Manuel Quiroga"
Datos xerais
LocalizaciónPontevedra, Galiza Galiza
Datos actuais
Datos de contacto
EnderezoAvenida de Xoán Carlos I, 4
36006
Páxina webwww.conservatoriomanuelquiroga.com

O Conservatorio Profesional de Música Manuel Quiroga é un centro público de ensinanza musical da cidade de Pontevedra, de titularidade da Consellería de Cultura, Educación e Ordenación Universitaria da Xunta de Galiza, que oferta ensinanzas dos graos elemental e profesional de música. Foi fundado en 1863 e recibe o nome actual en honor ao violinista pontevedrés Manuel Quiroga Losada.

Historia[editar | editar a fonte]

O Conservatorio de Pontevedra foi fundado en 1863, o que o converte nun dos conservatorios máis antigos que funcionan en Galiza. Dende 1992 está integrado na rede pública de conservatorios da Xunta de Galiza, impartindo os graos elemental e profesional dos plans de estudos regulados no RD 268/1966 ata a súa extinción, e o regulado no 253/1993 en vixencia e os estipulados na LOE/07 do 27 de setembro. En 2004 o Conservatorio abandonou o seu emprazamento na céntrica rúa de Afonso XIII para trasladarse á avenida de Xoán Carlos I, na periferia da capital pontevedresa, o que supuxo o incremento da súa oferta educativa e o aumento do alumnado, aumentando en consecuencia o número de profesores e especialidades, engadindo tamén música antiga.

Especialidades[editar | editar a fonte]

O centro ten unha oferta educativa que inclúe as especialidades de canto, piano, acordeón, especialidades orquestrais de vento madeira, vento metal, instrumentos familia do violín, percusión, corda pulsada, e instrumentos de música antiga e barroca como a frauta de bico, a viola da gamba ou o clave.

Instalacións[editar | editar a fonte]

Entrada ao edificio.

O edificio actual comprende un total de aproximadamente 3.200 distribuídos en catro andares, ós que se suma aparcadoiro para 26 prazas e xardíns. O centro conta coas seguintes instalacións:

  • 27 aulas de ensino instrumental.
  • 9 aulas de ensino non instrumental.
  • 2 aulas de música de cámara.
  • 1 aula polivalente.
  • 1 aula de informática aplicada á música.
  • 24 cabinas de estudio.
  • 3 despachos.
  • 1 sala de secretaría.
  • 1 conserxería.
  • 3 despachos destinados a usos varios (departamentos etc).
  • Sala de profesores.
  • Auditorio con máis de 200 localidades.
  • Biblioteca-fonoteca.
  • Cafetería.
  • Aseos, cuartos de limpeza.
  • Almacén xeral e cuartos de instalacións (no soto).

Véxase tamén[editar | editar a fonte]

Ligazóns externas[editar | editar a fonte]