Xoán XXI, papa

Na Galipedia, a Wikipedia en galego.
(Redirixido desde "Xoán XXI")
Saltar ata a navegación Saltar á busca
Xoán XXI, papa
B Johannes XXI.jpg
Xoán XXI
Nome de nacemento Pedro Julião
Nacemento 1215
  Lisboa
Falecemento 20 de maio de 1277
  Viterbo
Nacionalidade Portugal
Relixión catolicismo
Educado en Universidade de París
Ocupación político, escritor, clérigo, catedrático de universidade e sacerdote
Período 1276 a 1277
Coñecido/a por ser o papa n° 187 da igrexa católica
Organización Igrexa católica
Cargos Bispo de Roma
editar datos en Wikidata ]

Xoán XXI, nado co nome de Pedro Julião e coñecido tamén como Pedro Hispano, nado en Lisboa entre 1210 e 1220 e finado en Viterbo o 20 de maio de 1277, foi Papa da Igrexa católica entre o 20 de setembro de 1276 e a data da súa morte.

Biografía[editar | editar a fonte]

Pedro Julião, fillo do médico Julião Rebelo e de Teresa Gil, naceu en Lisboa entre 1210 e 1220.

Comezou os seus estudos na escola episcopal da Sé de Lisboa. Máis tarde acudiu á Universidade de París (algúns historiadores afirman que foi á de Montpellier), onde estudou Medicina e Teoloxía, e dedicando especial atención ás conferencias de Dialéctica, de Lóxica, e, sobre todo, ás de Física e Metafísica aristotélicas.

Entre 1245 e 1250, ensinou Medicina na Universidade de Siena (hoxe Italia), onde escribiu algunhas obras, das que salientan as Summulæ Logicales, que sería para as universidades europeas o manual de referencia respecto da lóxica de Aristóteles.

En 1272 foi nomeado arcebispo da arquidiocese de Braga, sucedendo a Martinho Geraldes.

Despois da morte do papa Hadrián V, o 18 de agosto de 1276, Pedro Hispano foi elixido Papa no conclave do 13 de setembro e coroado o 20 de setembro. Faleceu oito meses despois, o 20 de maio de 1277, a causa das graves feridas a consecuencia dun accidente ocorrido na catedral de Viterbo, na que dirixía as obras. Alí foi inhumado.

En marzo de 2000, por empeño do alcalde de Lisboa, João Barroso Soares, outorgouselle un sítio máis honroso, sendo trasladado á nave central.


Este artigo tan só é un bosquexo
 Este artigo sobre Papas é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.