Anastasio IV, papa

Anastasio IV, papa
Nome completo	Conrado di Suburra
Nacemento	valor descoñecido e c. 1073
Lugar de nacemento	Roma
Falecemento	3 de decembro de 1154
Lugar de falecemento	Roma
Soterrado	Basílica de San Xoán de Latrán
Relixión	catolicismo
Ocupación	sacerdote católico e escritor
Período	entre 1153 e 1154
Coñecido por	ser o papa n° 168 da igrexa católica
Organización	Igrexa católica
Cargos	Bispo de Roma
Na rede
[ editar datos en Wikidata ]

Anastasio IV (nome de bautizo Conrado di Suburra), nado en Roma, sobre 1073 e finado o 3 de decembro de 1154, foi Papa do Igrexa católica do 1153 ao 1154.

Traxectoria

Antes da súa elección como papa ocupou o cargo de cardeal abade de Santa Prudencia, o de bispo cardeal de Sabina e, cando o papa Inocencio II se viu obrigado a se exiliar a Francia, quedou como o seu vicario en Italia.

Foi coroado o 12 de xullo de 1153 e durante o seu breve pontificado, no cal tivo como conselleiro a Nicolau Breakspeare, futuro Hadrián IV, ordenou restaurar o panteón romano, outorgou privilexios á Orde dos Hospitalarios de San Xoán de Xerusalén e dedicouse a solucionar os conflitos internos da Igrexa.

San Malaquías

As profecías de San Malaquías refírense a este papa como Abbas suburranus (O abade de Suburra), citación que fai referencia ao seu apelido e ao feito que foi abade antes de ser elixido pontífice.

Anastasio IV e Galicia

En relación con Galicia o papa Anastasio IV fixo no ano 1154 unha confirmación dos mosteiros que formaban parte da diocese de Santiago, constituíndo unha fonte histórica de gran valor para coñecer a extensión dos dominios da sé compostelá no século XII.

---

Este artigo sobre Papas é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---