Bonifacio II, papa

Na Galipedia, a Wikipedia en galego.
Bonifacio II
Boniface II.jpg
Bonifacio II
Nacemento valor descoñecido
  Roma
Falecemento 17 de outubro de 532
  Roma
Soterrado Basílica de San Pedro
Relixión catolicismo
Ocupación sacerdote
Período 530 a 532
Coñecido/a por ser o papa n° 55 da igrexa católica
Organización Igrexa católica
Cargos Bispo de Roma
editar datos en Wikidata ]

Bonifacio II, nado en Roma e falecido en Roma o 17 de outubro de 532, foi o 55º papa da Igrexa católica, entre os anos 530 e 532.

Traxectoria[editar | editar a fonte]

Aínda que naceu en Roma, era ostrogodo de nacemento, o que o converteu no primeiro papa de orixe xermánica, grazas ao apoio do rei godo Atalarico.

Designado por Fiz IV como o seu sucesor mediante un edito, á morte deste unha parte do clero, respectando a vontade do falecido, elixiuno pontífice o 22 de setembro de 530, mentres que a facción maioritaria da curia se opuxo á súa elección, elixindo como papa a Dióscoro. O posible cisma na igrexa desapareceu coa morte de Dióscoro vinte e dous días despois do seu nomeamento.

Obsesionado coa posibilidade de que á súa morte volvese a producirse unha dupla elección papal que desembocase nun cisma, convocou un concilio no que se outorgou a prerrogativa de elixir ao seu propio sucesor, designando como tal ao diácono Vixilio. Porén, a oposición que encontrou ante este proceder e que levou ao propio Senado romano a acusar ao papa de abuso de poder, fixo que Bonifacio se retractase, non accedendo á cadeira papal trala morte de Bonifacio, se ben o faría posteriormente.

Predecesor:
Fiz III
Emblem of the Papacy SE.svg
Papa

530-532
Sucesor:
Xoán II

Este artigo tan só é un bosquexo
 Este artigo sobre Papas é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.