Anacleto, papa

Na Galipedia, a Wikipedia en galego.
Anacleto
Papa Cletus.jpg
Alcume Santo Anacleto
Nacemento valor descoñecido
Lugar Roma
Falecemento 91
Lugar Roma
Soterrado Basílica de San Pedro
Nacionalidade Roma Antiga
Relixión catolicismo
Ocupación sacerdote
Período entre os anos 79-91
Coñecido/a por ser o papa n° 3 da igrexa católica
Organización Igrexa católica
Cargos Bispo de Roma
editar datos en Wikidata ]
Interior of Chiesa dei Gesuiti (Venice) - sacristy - Papa Cleto - 1592-1593 - by Palma il Giovane.jpg

Anacleto ou Cleto, coñecido logo como Santo Anacleto, falecido en Roma o ano 91, foi o terceiro papa (despois de Pedro e Lino). Exerceu de bispo de Roma entre os anos 79 e 91[1], se ben o Anuario Pontificio de 2003 moveu esas datas ao 80 e 92, respectivamente.

Moi pouco se sabe da súa vida. O Liber pontificalis di que era romano, pero sen máis probas, se ben outras fontes apuntan á súa orixe ateniense. Crese que el instaurou o réxime sacerdotal e os bispados, e que dividiu a cidade de Roma por primeira vez en 25 parroquias. Probablemente foi martirizado nos tempos do emperador Domiciano, e soterrado[2] cabo de Lino, o seu predecesor.

Santidade[editar | editar a fonte]

Como todos os papas anteriores ao Edicto de Milán, foi considerado santo polo cristianismo. A súa festa celébrase en dous días distintos: como san Cleto o 26 de abril e como santo Anacleto o 13 de xullo, aínda que fosen a mesma persoa, seguindo o Liber Pontificalis; porén Ireneo de Lión e Eusebio consideran que se facía referencia á mesma persoa.

Parroquias galegas[editar | editar a fonte]

Non hai ningunha parroquia en Galicia con advocación a santo Anacleto.

Notas[editar | editar a fonte]

  1. Donald Attwater. A Dictionary of Popes. The Catholic Book Club. Londres, 1939
  2. Find a Grave

Este artigo tan só é un bosquexo
 Este artigo sobre Papas é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.