Cancro de mama

Na Galipedia, a Wikipedia en galego.
Cancro de mama
Clasificación e recursos externos
Autoexame mamario.
OMIM 114480
DiseasesDB 1598
MedlinePlus 000913
eMedicine med/3287 radio/115 plastic/521
Aviso médico.
Advertencia: A Wikipedia non dá consellos médicos.
Se cre que pode requirir tratamento, por favor, consúltello ao médico.

O cancro de mama é unha proliferación maligna das células epiteliais que revisten os condutos ou lóbulos mamarios. É unha doenza clonal; onde unha célula individual produto dunha serie de mutacións somáticas ou de liña xerminal adquire a capacidade de dividirse sen control nin orde, facendo que se reproduza até formar un tumor. O tumor resultante, que comeza como anomalía leve, pasa a ser grave, invade tecidos veciños e, finalmente, propágase a outras partes do corpo.

Existen dous tipos principais de cancro de mama. O carcinoma ductal infiltrante, que comeza nos condutos que levan leite dende a mama até a mamila, é por moito o máis frecuente (aproximadamente o 80% dos casos). O segundo lugar ocúpao o carcinoma lobulillar infiltrante (10 a 12% dos casos), que comeza en partes das mamas chamadas lobulillos, que producen o leite materno.[1] Os restantes tipos de cancro de mama non superan en conxunto o 10% dos casos.

Os principais factores de risco de contraer cancro de mama inclúen unha idade avanzada, a primeira menstruación a temperá idade, idade avanzada no momento do primeiro parto ou nunca dar a luz, antecedentes familiares de cancro de mama, o feito de consumir hormonas tales como estróxenos e proxesterona, consumir licor e ser de raza branca.[2] Entre 5 a 10% dos casos, o cancro de mama é causado por mutacións xenéticas herdadas.

Notas[editar | editar a fonte]

  1. por MedlinePlus (2009). "Cáncer de mama". Enciclopedia médica en español (en español). Consultado o 2 de xuño de 2010. 
  2. Instituto Nacional del Cáncer. "Información general sobre el cáncer del seno (mama)".