Aromatase

Na Galipedia, a Wikipedia en galego.
Saltar ata a navegación Saltar á procura
Estrutura cristalográfica da aromatase citocromo P450 humana.

A aromatase é unha enzima que é responsable dun paso fundamental na biosíntese dos estróxenos. Por mor de que os estróxenos promoven certos cancros e outras doenzas, os inhibidores de aromatase son frecuentemente usados para tratar ditas enfermidades.

Os esteroides están compostos por catro aneis fusionados (marcados A, B, C, e D na figura de abaixo); a esta estrutura de catro aneis chámaselle ciclopentanoperhidrofenantreno. A aromatase transforma o anel A dos esteroides a un estado aromático (de aí o seu nome) a través da oxidación e posterior eliminación dun grupo metil.

A aromatase converte a testosterona en estradiol.

A aromatase é membro da superfamilia citocromo P450 (EC 1.14.14.1) de enzimas, cuxa función é a de aromatizar os andróxenos (isto é, incrementar selectivamente o seu aromaticidade), producindo estróxenos. Como tal, este proceso é un factor importante no desenvolvemento sexual.

Os fisicoculturistas que se administran testosterona toman suplementos antiaromatase para previr os efectos estroxénicos non-desexados, tales como a xinecomastia, debido ó exceso de conversión de testosterona a estróxeno.