The Independent

Na Galipedia, a Wikipedia en galego.
Saltar ata a navegación Saltar á procura

The Independent é un xornal británico publicado por Independent Print Limited, de Alexánder Lébedev. Ten o alcume de «the Indie», mentres que a edición dos domingos é alcumada «the Sindie». Lanzado en 1986, é o máis novo de todos os xornais de tirada nacional do Reino Unido, cunha circulación de arredor de 250.000 exemplares en 2004. Mentres que o xornal tenta xenuinamente representar e contrastar as opinións políticas do país, recentemente promoveu campañas de reforma electoral e ambientais, así como contra os carnés de identidade británicos. Probablemente, a política do xornal achégase á do Partido Liberal Demócrata, e o seu editorial é por iso considerada europeísta. The Independent foi galardoado co National Newspaper of the Year en the British Press Awards 2004.

Foi producido por Newspaper Publishing Ltd. e creado por Andreas Whittam Smith, Stephen Glover e Matthew Symonds. Os tres eran antigos xornalistas de The Daily Telegraph que fuxiron do réxime de Lord Hartwell. Marcus Sieff foi nomeado o primeiro director de Newspaper Publishing e Whittam Smith tomou o control do xornal.

O 12 de febreiro de 2016 anunciou que a partir de marzo, xunto coa súa edición dominical, deixará de ter unha edición impresa e producirase soamente en formato dixital.[1]

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]