Mastectomía

Mastectomía
Aviso médico. Atención: A Wikipedia non dá consellos médicos. Se cre que pode requirir tratamento consúltello ao médico.
Paciente mastectomizada.
Instancia de ectomía  Subclase de ectomía top surgery (en)  Aspecto de cancro de mama cirurgia de afirmação de género masculino (pt)
Características
Localización anatómica seo
Códigos e identificadores Freebase /m/0bk8d MeSH D008408 WordLift data.medicalrecords.com… MedlinePlus 002919 OpenAlex C2910733956 e C2777757722
Wikidata C:Commons

A mastectomía é o termo médico para a extirpación cirúrxica dunha ou ambas as mamas de xeito parcial ou completo. Esta extirpación pode ser preventiva ou ben curativa.

Tipos

• Mastectomía subcutánea: Se se extirpa só a glándula pero se conserva a pel da mama, a areola e a mamila.
• Mastectomía sinxela: A extirpación da mama completa, incluída a pel que a cobre, a areola e a mamila.
• Mastectomía radical: A extirpación da mama completa acompañada dos ganglios linfáticos da axila e de anacos variables dos músculos pectorais. Na mastectomía radical modificada presérvanse os músculos pectorais ou como máximo extírpase só o pectoral menor co obxecto de facilitar o acceso á rexión máis interna dos ganglios linfáticos axilares, é unha cirurxía non conservadora, pois non conserva a glándula mamaria, pero non se realiza baleirado axilar como na mastectomía radical.

Etioloxía

A mastectomía usualmente realízase para tratar o cancro de mama; nalgúns casos, as mulleres que presentan alto risco de contraer cancro de seo (tamén coñecido como cancro de mama) fanse a operación profilacticamente, é dicir, para previr o cancro en lugar de para tratalo. En contraste nunha lumpectomía, só unha porción de tecido é extirpada en lugar de todo o seo.

Diagnose

A miúdo a mastectomía era realizada durante a mesma operación na cal se tomaba a biopsia para confirmar o diagnóstico. Hoxe en día, a decisión de facer unha mastectomía é usualmente baseada nunha biopsia realizada previamente. Tamén, hai unha tendencia a un tratamento máis conservador co cancro de mama. A práctica cambiou, por unha banda, debido ás melloras en radioterapia e tratamento coadxuvante (por exemplo quimioterapia e terapia hormonal) e por outra banda nun recoñecemento máis temperán da metástase do cancro de mama.