Ramón Rodríguez Varela
| Biografía | |
|---|---|
| Nacemento | 1 de agosto de 1905  Vilouriz, España |
| Morte | 14 de maio de 1967 (61 anos) O Freixeiro, España |
| Datos persoais | |
| Outros nomes | Curuxás |
| País de nacionalidade | España |
| Actividade | |
| Ocupación | membro da resistencia |
| Lingua | Lingua galega |
Ramón Rodríguez Varela, nado en Vilouriz (Toques) o 1 de agosto de 1905 e finado no Freixeiro (Palas de Rei) o 14 de maio de 1967, foi un mineiro e anarcosindicalista galego, guerrilleiro antifranquista tralo golpe de Estado do 18 de xullo de 1936 co pseudónimo de Curuxás. Tomou este sobrenome do lugar de Curuxás, en Palas de Rei.
Traxectoria[editar | editar a fonte]
Pasou os seus primeiros anos en Vilouriz e asistiu á escola de Vilamor. A familia mudouse a Pambre en 1916 e Ramón criouse en Curuxás. Logo de ser lexionario, traballou de mineiro nas minas de volframio de San Fins, en Lousame, afiliado ao Sindicato Minero vinculado á CNT. Co golpe de Estado do 18 de xullo de 1936 participou na resistencia marchando cos mineiros a Santiago de Compostela e despois á Coruña; despois fuxiu ao monte. O 14 de abril de 1937, aniversario da proclamación da II República, roubou as nóminas da mina, sendo esta a súa primeira gran acción.
Trasladouse á comarca da Ulloa e o 27 de xullo de 1941 escapou do seu domicilio familiar, a onde o fora buscar a Garda Civil, matando a un cabo deste corpo. Uniuse a un pequeno grupo con xente das antigas sociedades obreiras e agrarias, cos que andou polas terras do Alto Ulla, en Agolada e no Barbanza. Colaborou cos restos do grupo Neira e coa IV agrupación do Exército Guerrilleiro de Galicia.
En 1947 abandonou as armas, como recomendara a CNT, e viviu refuxiado entre os labregos da parroquia de Vilamor ata o seu falecemento en 1967 por causas naturais.
Vida persoal[editar | editar a fonte]
Casou en Vilareda (Palas de Rei) con Marcelina Costa Castro o 23 de xuño de 1928.
Véxase tamén[editar | editar a fonte]
Bibliografía[editar | editar a fonte]
- Fernández, Eliseo; Pereira, Dionisio (2004). O anarquismo na Galiza. Santiago de Compostela: Positivas. pp. 214–215. ISBN 84-87783-79-1.
- Parrado, Carlos (2009). Curuxás, o guerrilleiro que non cazou Franco. Vigo: A Nosa Terra. ISBN 84-87783-79-1.
Ligazóns externas[editar | editar a fonte]
- "Curuxás sobreviviu grazas a vontade solidaria dá xente", entrevista a Carlos Parrado. La Voz de Galicia, 3 de maio de 2009.
- "Curuxás, guerrilleiro e anarco-sindicalista"Arquivado 04 de marzo de 2016 en Wayback Machine.. Homenaxe a Curuxás (27 de xuño de 2009).
- O guerrilleiro que Franco non cazouArquivado 15 de setembro de 2019 en Wayback Machine.. Galicia-Hoxe.
