Arturo López Delgado

Na Galipedia, a Wikipedia en galego.
Arturo López Delgado
AlcumeArturín
Nacementovalor descoñecido
Lugar de nacementoCorrexais
Falecemento6 de agosto de 1942
Lugar de falecementoCorrexais
NacionalidadeEspaña
Ocupaciónmembro da resistencia
editar datos en Wikidata ]

Arturo López Delgado, coñecido como Arturín, nado en Correxais (Vilamartín de Valdeorras) e finado o 6 de agosto de 1942, foi un guerrilleiro antifranquista galego.

Traxectoria[editar | editar a fonte]

Mineiro, militante da CNT e do Partido Galeguista dende 1934, logo do golpe de Estado do 18 de xullo de 1936 agochouse. Loitou na fronte asturiana. Foi xulgado en Ourense por rebelión militar e declarado en rebeldía. Foi membro da guerrilla liderada por Serafín Fernández Ramón "Santeiro". En xullo de 1940 formou parte dun grupo de guerrilleiros que estaban reunidos nas montañas de Casaio para pasar a Portugal. Regresou de Portugal en 1941 e instalouse en Casaio con Domingo Rodríguez, Mario Morán García, Manuel Monteserín e Arcadio Ríos Rodríguez.

Despois da fundación da Federación de Guerrillas de León-Galicia, foi nomeado xefe dunha unidade que loitou na bisbarra de Valdeorras. O 6 de agosto de 1942 morreu nun enfrontamento coa Garda civil preto da súa aldea natal, con Ovidio González Vázquez "Pollon", Ildefonso Fernández Seoane "Cuñeira" e Manuel Monteserín "Gerardo". O grupo foi denunciado por un labrego que os aprovisionou de viño. Despois de comer e beber, os guerrilleiros estaban durmindo e foron sorprendidos pola Garda Civil. Outro membro do grupo, Roberto López Rodríguez "Pajarito", logrou fuxir.

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]