Juan Pérez Dopico
| Biografía | |
|---|---|
| Nacemento | 1917  Limodre, España |
| Morte | 21 de xuño de 1949 (31/32 anos) Silán, España |
| Datos persoais | |
| Outros nomes | Xan de Xenaro Caravaca |
| País de nacionalidade | España |
| Actividade | |
| Ocupación | membro da resistencia |
| Lingua | Lingua castelá |
| Carreira militar | |
| Conflito | Guerra civil española |
Juan Pérez Dopico,[1] alcumado Xan de Xenaro e Caravaca, nado no Souto Vello (Limodre, Fene) en 1917[2] e finado en Muras o 21 de xuño de 1949, foi un guerrilleiro antifranquista galego.
Traxectoria[editar | editar a fonte]
Co golpe de Estado do 18 de xullo de 1936 foi obrigado a incorporarse ao exército. Desertou do exército sublevado e participou na defensa de Madrid. Foi xulgado en Ferrol por sedición e declarado en rebeldía. Foi detido en 1939 e condenado a morte. Foille conmutada a pena e permaneceu na prisión de Carabanchel ata 1945. Ao saír traballou en ASTANO, militando no PCE. Botouse ao monte en 1946 e converteuse no xefe militar do Destacamento Segundo Vilaboy[3] da IV Agrupación do Exército Guerrilleiro de Galicia xunto a Juan Gallego Abeledo "Comandante". Foi reclamado polo xuíz militar de Ferrol en outubro de 1948.[4] O 21 de xuño de 1949 foi abatido nun enfrontamento coa Garda Civil en Silán (Muras) con José Pedreira de la Iglesia, Juan Gallego Abeledo, Celia González Pernas e Josefa Escourido Cobo.[5]
Notas[editar | editar a fonte]
- ↑ Nalgunhas fontes aparece como Juan Dopico Fernández: Juan Dopico Fernández na páxina web Nomes e Voces. e Los de la sierra
- ↑ "Estreno de «Xan de Xenaro», video sobre un guerrillero", La Voz de Galicia, Ferrol, 20-7-1986, p. 32.
- ↑ O nome púxose na honra de Segundo Vilaboy Martínez guerrilleiro ferrolán axustizado en decembro de 1947.
- ↑ BOE, 6-10-1948, p. 2312.
- ↑ "Cuatro bandoleros muertos por la Guardia Civil. En la provincia de Lugo", La Voz de Galicia, 1-7-1949, p. 6.
Véxase tamén[editar | editar a fonte]
Bibliografía[editar | editar a fonte]
- Martínez, Lupe (2007). Coa man armada. "Ejercito Guerrillero de Galicia" -IV Agrupación- 1946 - 1948. Vigo: A Nosa Terra. pp. 134–135. ISBN 978-84-8341-166-7.
- Redondo Abal, Francisco Xavier (2006). Botarse ao monte. Censo de guerrilleiros antifranquistas na Galiza (1939-1965). Sada: Do Castro. ISBN 84-8485-231-8.
Ligazóns externas[editar | editar a fonte]
- Juan Pérez Dopico na páxina web Nomes e Voces.
- Ficha en Los de la sierra(en francés)