Carlos Allegue

Na Galipedia, a Wikipedia en galego.
Saltar para a navegação Saltar para a pesquisa
Carlos Allegue
Nacemento 1904
  Ferrol
Falecemento 27 de xullo de 1951
  Ferrol
Nacionalidade España
editar datos en Wikidata ]

Carlos Allegue Caruncho, nado en Ferrol en 1904 e finado na mesma vila o 27 de xullo de 1951, foi un militar e dirixente comunista galego.

Traxectoria[editar | editar a fonte]

Carlos Allegue era militar profesional, condestable do terzo norte da Infantería de Mariña con sede en Ferrol, a súa cidade natal. En 1934 foi destinado a Mahón, regresando despois a Ferrol. Co golpe de Estado do 18 de xullo de 1936 tivo que presentarse en xaneiro de 1937 ante un “tribunal de persoas honorables” para amosar a súa adhesión ao réxime. A pesar diso foi expulsado do exército e en 1941 desterrado en León, dedicouse ao comercio para vivir. De regreso a Ferrol, en 1943 organizou unha célula comunista entre os militares de Ferrol e coa información que lles facilitou un grupo guerrilleiro conseguiu asaltar o cuartel de Caranza para se apoderar de munición. Considerado o principal dirixente do PCE en Ferrol, a policía arrestouno en xaneiro 1947. Malia iso conseguiu fuxir da cidade, ingresando na guerrilla como comisario político da IV Agrupación Guerrilleira.

En 1951, trala caída dos refuxios da guerrilla na zona de Oleiros, Allegue enfermo procurou refuxio na súa casa. O 27 de xullo a Garda Civil entrou na súa casa, morrendo o dirixente comunista no tiroteo, xunto co seu fillo maior.

Vida persoal[editar | editar a fonte]

Casou con Josefina Iglesias en 1926.

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]