José Blanco Núñez

Na Galipedia, a Wikipedia en galego.

José Blanco Núñez, coñecido como Ferreirín e Pepito, nado na Coruña e finado en 1952, foi un guerrilleiro antifranquista galego.

Traxectoria[editar | editar a fonte]

En 1944 tiña a responsabilidade política dun pequeno grupo de homes baixo a dirección de Manuel Ponte Pedreira. Foi integrante do Destacamento Enrique Líster xunto a Francisco Rey Balbís. En 1948 asumiu con Manuel Pena Camino a dirección do destacamento Eduardo Xaneiro. O 4 de marzo de 1948 en Carres a Garda Civil atacou as dúas casas onde se refuxiaba Ferreirín cos seus homes, mataron ao guerrilleiro Antonio Nouche Costa, conseguindo Ferreirín escapar; pero en represalia a familia que ocupaba as casas foi executada. En 1949 pasou a ser responsable da prensa do PCE e en xaneiro de 1950 foi nomeado secretario de organización.[1]

Arrestado en marzo de 1952 na súa cidade natal e trasladado a Madrid, colaborou coa policía e a información que proporcionou permitiu desmantelar a rede de enlaces da guerrilla. Malia iso foi executado preto de Sada en xullo de 1952.

Notas[editar | editar a fonte]

  1. Máiz, Bernardo; op.cit. páx.167

Véxase tamén[editar | editar a fonte]

Bibliografía[editar | editar a fonte]

  • Máiz, Bernardo (1988). Galicia na II República e baixo o franquismo. Vigo: Xerais. ISBN 84-7507-320-4. 
  • Martínez, Lupe (2007). Coa man armada. "Ejercito Guerrillero de Galicia" -IV Agrupación- 1946 - 1948. Vigo: A Nosa Terra. p. 95. ISBN 978-84-8341-166-7. 
  • Serrano, Secundino (2001). Maquis. Historia de la guerrilla antifranquista. Madrid: Temas de Hoy. ISBN 84-8460-103-X. 

Ligazóns externas[editar | editar a fonte]