Exército Guerrilleiro de Galicia

Na Galipedia, a Wikipedia en galego.
Saltar para a navegação Saltar para a pesquisa

O Exército Guerrilleiro de Galicia foi unha organización guerrilleira antifranquista que funcionou en Galicia entre 1944 e 1949.

Historia[editar | editar a fonte]

A organización constituíuse nunha reunión celebrada en Abegondo en outubro de 1944, presidida por Manuel Castro Rodríguez, delegado da Internacional Comunista na Unión Nacional Española, na que participaron Manuel Ponte, Francisco Rey Balbís, Marcelino Rodríguez Fernández, Adolfo Allegue Allegue e Juan Pérez Dopico. A organización dividiuse en catro agrupacións que pretenderon abarcar toda Galicia; cada agrupación estaba estruturada en partidas ás que se lle asignaban zonas determinadas de actuación. A I Agrupación actuaba no extremo oriental da provincia de Ourense, O Bierzo e o sur da provincia de Lugo. A II Agrupación tiña asignada o resto da provincia de Ourense. A III Agrupación operaba na banda norte e occidental da provincia de Lugo. A zona noroeste de Galicia correspondeulle á IV Agrupación. En 1946 creouse a V Agrupación, que operaba na zona central de Galicia.

En 1948 foi desarticulado o aparello da dirección nacional do PCE no interior e a dirección no exilio asumiu o control do partido e dos comités rexionais. Na primavera dese ano o mando guerrilleiro convocou a delegados de todas as agrupacións de Galicia nunha xuntanza nas fragas do Eume para discutir posibilidade da disolución da guerrilla, segundo unha disposición do PCE en Francia. En outubro, a dirección do partido no exilio, alegando a desmoralización e a persecución constante á que se vían sometidos, decidiu potenciar a acción política en troques da loita armada.

Véxase tamén[editar | editar a fonte]

Bibliografía[editar | editar a fonte]

  • Astray Rivas, Manuel (1992). Síndrome del 36 - La IV Agrupación del Ejército Guerrillero de Galicia. Sada: Do Castro. ISBN 84-7492-584-3. 
  • Heine, Harmut (1982). A guerrilla antifranquista en Galicia. Vigo: Xerais. ISBN 84-7507-011-6. 
  • Martínez, Lupe (2007). Coa man armada. "Ejercito Guerrillero de Galicia" -IV Agrupación- 1946 - 1948. Vigo: A Nosa Terra. ISBN 978-84-8341-166-7.