Manuel Castro Tellado
| Manuel Castro Tellado | |
|---|---|
| Nacemento | 1910 |
| Mosteiro | |
| Falecemento | 13 de xaneiro de 1947 |
| Castro de Rei | |
| Nacionalidade | España |
| Ocupación | membro da resistencia |
| [ editar datos en Wikidata ] | |
Manuel Castro Tellado, nado en Mosteiro (Pol) cara a 1910 e finado en Castro de Rei o 13 de xaneiro de 1947, foi un guerrilleiro antifranquista galego.
Traxectoria[editar | editar a fonte]
Fillo de Manuel Castro Palmeiro e Rosa Tellado. Xornaleiro e militante do PSOE, foi un dos fundadores da Sociedad de Trabajadores de la Tierra de Pol y sus Contornos da UGT. Co golpe de Estado do 18 de xullo de 1936 botouse ao monte. Foi xulgado en Lugo por rebelión e declarado en rebeldía. Participou na organización dos grupos guerrilleiros que actuaban no leste da provincia de Lugo e que se integraron na Federación de Guerrillas de León-Galicia. En 1944 accedeu á xefatura da III Agrupación Guerrilleira, e tentou chegar a acordos cos grupos guerrilleiros comunistas do Exército Guerrilleiro de Galicia. En 1945 comandou a Federación. Morreu o 13 de xaneiro de 1947 nun enfrontamento coa Garda Civil en Castro de Rei. En decembro de 1947 apareceu na prensa unha requisitoria demandando a súa presentación no Xulgado Militar eventual nº 1 de Lugo pola causa 215/46.[1]
Vida persoal[editar | editar a fonte]
Casou con Engracia Díaz. A súa irmá Silvina Castro Tellado estaba casada con Primitivo Rodríguez Otero.
Notas[editar | editar a fonte]
- ↑ El Progreso, 27-12-1946, p. 2.
Véxase tamén[editar | editar a fonte]
Bibliografía[editar | editar a fonte]
- Cabana Iglesia, Ana. "«Escravo das miñas confidencias e apoio nas miñas necesidades...» Contribución ao estudo da «guerrilla do chao» no rural galego: a rede de enlaces do guerrilleiro Manuel Castro Tellado" (PDF). A patria enteira. Homenaxe a Xosé Ramón Barreiro Fernández. Santiago de Compostela: Real Academia Galega, Consello da Cultura Galega, Universidade de Santiago de Compostela. pp. 65–82. ISBN 978-84-9887-000-8.
- Redondo Abal, Francisco Xavier (2006). Botarse ao monte. Censo de guerrilleiros antifranquistas na Galiza (1939-1965). Sada: Do Castro. p. 49. ISBN 84-8485-231-8.
- Máiz, Bernardo (1988). Galicia na II República e baixo o franquismo. Vigo: Xerais. ISBN 84-7507-320-4.
- Serrano, Secundino (2002). Maquis. Historia de la guerrilla antifranquista. Madrid: Temas de Hoy. ISBN 84-8460-103-X.