José Gómez Gayoso

Na Galipedia, a Wikipedia en galego.
Saltar para a navegação Saltar para a pesquisa
José Gómez Gayoso
Nacemento 28 de abril de 1909
  Maceda
Falecemento 6 de novembro de 1948
  Campo da Rata
Nacionalidade España
Ocupación político
editar datos en Wikidata ]

José Gómez Gayoso, nado en Maceda o 28 de abril de 1909 e finado na Coruña o 6 de novembro de 1948, foi un político e guerrilleiro antifranquista galego.

Traxectoria[editar | editar a fonte]

Mestre e afiliado ao PCE, en 1935 convértese en Secretario de Organización. A Guerra Civil sorprendeuno en Madrid, onde asistía a uns cursiños de marxismo. Durante a guerra foi secretario de Francisco Antón, Comisario político do Exército do Centro, e traballou con Luis Delage, comisario do Exército do Ebro. Colaborou co Enrique Líster e Santiago Álvarez nas emisións radiofónicas que o Partido Galeguista realizaba desde a capital. Tamén colaborou na organización das Milicias Galegas e dirixiu o periódico Nueva Galicia. Viaxou á Unión Soviética para recibir instrución militar, coincidindo con Castelao na celebración do Primeiro de Maio.

Exiliado en Francia, marchou á República Dominicana e finalmente a Cuba en 1940. Volve clandestinamente a Madrid a principios de 1944 para traballar na delegación do Comité Central do PCE e a finais de 1945 aparece en Galicia como Secretario Xeral do PCE en Galicia. Encárgase de impulsar a organización da guerrilla e afianzar e fortalecer o partido.

Monumento a José Gómez Gayoso e outros loitadores contra o fascismo no cemiterio de Santo Amaro da Coruña.

Detido en xullo de 1948 logo dunha persecución na que resultou ferido, torturado durante dous meses, foi executado no garrote vil na Coruña con Antonio Seoane o 6 de novembro de 1948. Houbo unha intensa campaña de solidariedade internacional lanzada desde Cuba para salvarlle a vida pero foi inútil.

Véxase tamén[editar | editar a fonte]

Bibliografía[editar | editar a fonte]

  • Alonso Montero, Xesús (2004). As últimas horas de José Gómez Gayoso e Antonio Seoane, loitadores antifranquistas. Sada: Do Castro. ISBN 84-8485-134-6. 
  • Redondo Abal, Francisco Xavier (2006). Botarse ao monte. Censo de guerrilleiros antifranquistas na Galiza (1939-1965). Sada: Do Castro. ISBN 84-8485-231-8. 
  • Santidrián Arias, Víctor Manuel (2003). Historia do PCE en Galicia (1920-1968). Sada: Do Castro. ISBN 978-84-8485-079-3. 

Ligazóns externas[editar | editar a fonte]