Manuel Agrasar Cajaraville
| Biografía | |
|---|---|
| Nacemento | c. 1912  Padrón |
| Morte | 19 de maio de 1948 (35/36 anos) Loureiro |
| Causa da morte | morte en combate, ferida por arma de fogo |
| Actividade | |
| Ocupación | maquis, mariñeiro |
| Membro de | |
| Carreira militar | |
| Participou no conflito | guerra civil española |
  | |
Manuel Agrasar Cajaraville, coñecido como Barbarroxa, nado en Padrón cara a 1912 e finado en Loureiro (Luou, Teo) o 19 de maio de 1948, foi un guerrilleiro antifranquista galego.
Traxectoria
[editar | editar a fonte]Mariñeiro voluntario dende 1935, era tripulante do José Luís Díez. Incorporouse ao exército republicano en Asturias. Foi capturado en setembro de 1939. Xulgado en Xixón por rebelión, foi condenado a cadea perpetua. Formou parte da V Agrupación do Exército Guerrilleiro de Galicia liderada por Benigno Andrade "Foucellas" e José Remuiñán Barreiro "Ricardito". O grupo foi avistado pola Garda Civil en Loureiro (Luou) o 19 de maio de 1948. A benemérita incendiou a casa onde se refuxiaban os guerrilleiros e Manuel e tres compañeiros máis, Florentino Menéndez Palacio, Ricardo Fernández Carlés e Vicente López Novo, morreron polos disparos das metralladoras; tamén morreu o garda civil Manuel Gardón Castro. "Foucellas" e "Ricardito" lograron fuxir.[1]
O corpo de Manuel foi exhumado no ano 2025, xunto co dos seus compañeiros, da foxa común do cemiterio de Luou onde foran soterrados tras caer abatidos, despois do traballo levado a cabo polo grupo de investigación HISTAGRA.[2]
Vida persoal
[editar | editar a fonte]Casou con María Cortiñas Bóveda.
Notas
[editar | editar a fonte]- ↑ Torna, Cilia (18-05-2018). "A batalla de Luou". Nós Diario. Consultado o 24-11-2025.
- ↑ López Carbia, Susana (20-11-2025). "Hallan cuatro cuerpos en la fosa de Luou". El Correo Gallego (en castelán). Consultado o 24-11-2025.
Véxase tamén
[editar | editar a fonte]Bibliografía
[editar | editar a fonte]- Martínez, Lupe (2023). Guerrilleir@s antifranquistas da provincia da Coruña. Vigo: Galaxia. pp. 85–88. ISBN 978-84-1176-172-7.
- Redondo Abal, Francisco Xavier (2006). Botarse ao monte. Censo de guerrilleiros antifranquistas na Galiza (1939-1965). Sada: Do Castro. ISBN 84-8485-231-8.
