Porto da Coruña

Na Galipedia, a Wikipedia en galego.
Saltar ata a navegación Saltar á procura

Coordenadas: 43°22′05″N 8°23′57″O / 43.367934, -8.39922

Porto da Coruña
Coruña GDFL2005 10.JPG
Localización
PaísGalicia Galicia
CidadeEscudo de A Coruña.svg A Coruña


Escudo de Arteixo.svg Arteixo
Detalles
Dirixido porAutoridade Portuaria da Coruña
PropietarioPortos do Estado
TipoMarítimo
Tamaño8.456 metros[1]
PresidenteEnrique Losada Rodriguez
Estatísticas
Tonelaxe15,2 millóns de toneladas (en 2017)
Volume de contedores(sen servizo)
Tráfico de pasaxeiros120 Cruceiros turísticos (en 2017)
Ingresos30,3 millóns de euros (en 2017)[2]
Principais importaciónsCru petróleo, carbón
Principais exportaciónsMadeira
www.puertocoruna.com
Flag maritime coruna.svg Porto da Coruña
Contrasinal da provincia marítima da Coruña á que pertence.
Autoridade portuaria da Coruña.jpg
Autoridade portuaria da Coruña.

O porto da Coruña, matrícula das embarcacións CO, é un porto galego situado tralo dique de abrigo da cidade da Coruña, bañada polo océano Atlántico. É un dos motores económicos da comarca, con seis quilómetros de peiraos e preto dun millón de metros cadrados de superficie marítima e terrestre. Está integrado na provincia marítima da Coruña.

O porto da Coruña conta cun sector acondicionado para desembarcar graneis sólidos (carbón, coque) e contedores. No ano 2007 movéronse 13.842.964 toneladas de mercadorías no porto[3], o que supón un incremento total do 3,68 % respecto ao 2006, o que o converte no gran porto de mercadorías de Galicia e un de referencia no norte da Península Ibérica, seguido de preto por Ferrol-San Cibrao (10.228.000 toneladas).

Peiraos[editar | editar a fonte]

O Porto da Coruña conta con 8.458 metros para os diferentes servizos:[1]

  • 4.230 metros dos peiraos comerciais.[1]
  • 2.954 metros nas dársenas de pesca.[1]
  • 1.274 nas dársenas da Mariña e Antedársena.[1]
Peirao Lonxitude (m)[4] Calado (m) ancho (m)
Trasatlanticos 434 11 35
Dársena de Mariña 487 3 0
Batería 220 7´0-8´0 16
Batería 59 9 4
Calvo Sotelo Norte 220 6´0-9´0 20
Calvo Sotelo Sur 420 6´0-9´0 40
Leste 257 5 15-55
Leste 120 10 20
San Diego 549 10 45
Centenario Norte 638 16´5 30-75
Centenario Oeste 196 9´5 30
Centenario Sur 385 11 37
Centenario Sur 29 8´5 121
Pantalán 1 150 11 16
Pantalán 2 150 11 16
Pantaláns 3 e 4 560 16 5
Linares Rivas 470 6 9
Palloza 359 5´0-7´0 4
Oza 1.641 6 20-59
Langosteira A1 900 21´85* 98
Langosteira A2 300 15´35* 127

Evolución histórica[editar | editar a fonte]

Ampliación do porto polo enxeñeiro Celedonio de Uribe.
Ampliación do porto polo enxeñeiro Eduardo Vila.

O porto da Coruña ten a súa orixe na Cidade Alta. As portas da muralla tiñan ramplas que permitían o seu servizo. En 1723 o enxeñeiro Francisco Montaigú creou os primeiros proxectos para construír un porto moderno na Coruña, que non se materializaron.[5]

Contra o 1733 construíuse a calzada de Garás, que permite propor a expansión do porto cara a esa zona, mais non se realizou ningunha outra obra ata o século XIX e as operacións portuarias realizábase mediante gabarras entre a praia e os barcos maiores.[6]

Houbo algunhas propostas de ampliacións, como as de Eustaquio Giannini (1781), José María Noya e Faustino Domínguez (1841), José Bellón (1857) e Juan Bautista Aguirre (1859), mais a primeira que se fixo realidade foi a do enxeñeiro Celedonio de Uribe (1860). Este consistiu en gañar terreo ao mar nunha zona que se chamou o “Recheo”. Constuíuse o peirao de Méndez Nuñez en homenaxe ao mariño galego Casto Méndez Núñez famoso por gañar o combate naval de El Callao. Estendíase desde o bastión do Parrote ata a batería de Salvas. O proxecto incluía un paseo que finalmente ampliouse e conformou os Xardíns de Méndez Núñez. Tamén prevíuse a construción de dous pantaláns de ferro pero só construíuse un. O chamado peirao de ferro porque estaba feito deste material, aínda que tiña chan de madeira, inaugurouse en 1869 con 200 metros de lonxitude que adentábanse no mar. Desempeñou un papel fundamental nas Guerras de Cuba e Filipinas. O peirao de ferro destruíuse en 1914.[7] Uribe propuxo tamén unha dársena no espazo entre o Teatro Principal e o Parrote, pero as obras, iniciadas en 1868, paralizáronse.

En 1889 presentouse o proxecto do enxeñeiro Eduardo Vila Algorri, que incluía os peiraos do Leste, a Batería, Garás, Santa Lucía e a Palloza.[6] O mesmo Vila foi quen finalmente proxectou a dársena da Mariña, rematada en 1918.[8]

Construción do peirao de transatlánticos[editar | editar a fonte]

En 1923 presentouse o proxecto dun peirao para transatlánticos, posteriormente chamado Calvo Sotelo, a continuación do antigo peirao da batería. Deseñado polo enxeñeiro Emilio Pan de Soraluce e que non se culminou ata 1936.[8]

Ampliación anos 1960[editar | editar a fonte]

En 1955 comezaron as obras do dique de abrigo, bautizado como Barrié de la Maza, que remataron en 1967.[9][10] En 1965 ampliouse o porto para a creación do porto petroleiro co oleoduto que o conectaba coa refinería.[8][11] Nos anos seguintes continuou a ampliarse co Peirao Unificado de Linares Rivas e Santa Lucía (1970)[12] e co peirao do Centenario, que conmemorou o centenario da Xunta do Porto.[13]

Na década de 1990 creáronse o peirao de transatlánticos, a dársena de Oza e ampliouse o paseo marítimo polo Parrote.

Descrición[editar | editar a fonte]

As naves Amerigo Vespucci (Italia), Dar Mlodziezy (Polonia) e Danmark (Dinamarca) atracadas no porto da Coruña durante unha etapa da Tall Ships Races 2006.
Vista parcial do porto da Coruña.

O tráfico do porto da Coruña está centrado no tráfico de:

  • Graneis líquidos, con 8.310.850 toneladas. Destaca o crecemento en petróleo cru, e o descenso en gasolinas, por mor da forza da divisa Europea, que dificulta as exportacións no sector.
  • Graneis sólidos, con 4.412.945 kg e centrado no trigo, o millo e o carbón, aínda que cunha tendencia descendente.
  • Mercadorías xerais, con 1.389.169 toneladas, protagonizadas pola palanquilla, arames e ferros.
  • Tráfico de contedores, no que o Porto da Coruña inaugurou recentemente unha nova liña co X-Pres Container, sumándose á xa existente con OPDR. O notable incremento nas Mercadorías Xerais está a diversifica-lo traballo portuario, e xera máis opcións de crecemento.
  • Pesca fresca, con 31.094.395 kg. A importancia da industria conserveira na Coruña demanda gran cantidade de peixe, pero aínda así o tráfico da súa mercancía é superado por outros portos, coma o porto de Vigo.
  • Tráfico de cruceiros, con 50.000 pasaxeiros no 2007 nuns 60 cruceiros.

O Porto da Coruña carece de liñas de pasaxe regular pero ten terminal de tren propia, a estación de San Diego.

Porto exterior de Punta Langosteira (Arteixo)[editar | editar a fonte]

No ano 2004 comezou a construción do porto exterior da Coruña, que se aprobara en 1997. Está situado no concello limítrofe de Arteixo, que ampliará enormemente as instalacións portuarias e as desprazará fóra do casco urbano. O espazo baleiro é susceptible dunha rehabilitación modélica, que será denominada Cidade do Mar e xunto co porto exterior de Ferrol vai constituír unha das zonas industriais marítimas e loxísticas máis importantes da Unión Europea[Cómpre referencia].

O novo porto contará cun dique de abrigo de 3.250 metros de longo, 264 hectáreas de augas interiores (o equivalente a máis de 100 campos de fútbol), 91 hectáreas de terreo edificable e un contradique de 600 metros no extremo oeste das obras. Ademais, tamén contará con conexións por estrada coa A-6 e por ferrocarril. A liña de atraque superará os 9 quilómetros con calados que irán dos 16 aos 30 metros, o que permitirá o atraque de buques de ata 250.000 toneladas de peso. Tamén ten previstas unhas ampliacións no 2020, para deixar libres os peiraos de San Diego e Oza.

En obras, abril 2009.

Galería de imaxes[editar | editar a fonte]

 
Torre de control do porto da Coruña 
Cruceiro Saga Ruby na Coruña 
 
Plano topográfico do porto e mailas súas inmediacións (ano 1787
Vista do peirao deportivo e a torre de control. 

Notas[editar | editar a fonte]

  1. 1,0 1,1 1,2 1,3 1,4 "PORT OF A CORUÑA: Geographic location". Autoridad Portuaria de A Coruna. Arquivado dende o orixinal o 16 de abril de 2012. Consultado o 28 de decembro de 2015. 
  2. El puerto alcanza una cifra de negocio de 30,3 millones en 2017 laopinioncoruna.es
  3. "Estadísticas do Porto da Coruña do ano 2007". Arquivado dende o orixinal o 17 de xaneiro de 2012. Consultado o 26 de marzo de 2008. 
  4. A lonxitude real do peirao non equivale á lonxitude útil para fins de explotación.
  5. https://www.lavozdegalicia.es/noticia/coruna/coruna/2018/04/29/siglo-medio-metamorfosis/0003_201804H29C3991.htm
  6. 6,0 6,1 González-Cebrián Tello, José (1984). La ciudad a través de su plano. La Coruña (en castelán). Concello da Coruña. ISBN 9788450099904. 
  7. https://dialnet.unirioja.es/descarga/articulo/4856811.pdf
  8. 8,0 8,1 8,2 "Historia Siglo XX". Porto da Coruña. Consultado o 27 de febreiro de 2016. 
  9. "La ruta La Coruña-Nueva York, la menor distancia por mar". ABC (en castelán). 22 de xullo de 1955. Consultado o 27 de febreiro de 2016. 
  10. "Faro del dique de abrigo Barrié de la Maza" (en castelán). 25 de agosto de 2013. Consultado o 27 de febreiro de 2016. 
  11. Villar, Marta (8 de marzo de 2009). "Un río de oro negro bajo la ciudad". La Opinión de A Coruña (en castelán). Consultado o 27 de febreiro de 2016. 
  12. Calderón Gaztelu, Félix. "El nuevo muelle unificado de Linares Rivas y Santa Lucía". Arquitectura e Industria (en castelán). Consultado o 27 de febreiro de 2016. 
  13. El muelle del centenario en el puerto de La Coruña. Ministerio de Obras Públcias. 

Véxase tamén[editar | editar a fonte]

Ligazóns externas[editar | editar a fonte]