Igrexa de San Pedro de Mezonzo da Coruña

Engadir ligazóns
Na Galipedia, a Wikipedia en galego.
Igrexa de San Pedro de Mezonzo da Coruña
Datos xerais
PaísEspaña
TipoIgrexa parroquial
AdvocaciónPedro de Mezonzo
LocalizaciónA Coruña
Coordenadas43°21′27″N 8°24′23″O / 43.35758, -8.40635Coordenadas: 43°21′27″N 8°24′23″O / 43.35758, -8.40635
Culto
CultoCatólico
DioceseSantiago de Compostela
Arquitectura
Construción1964
[ editar datos en Wikidata ]

A igrexa de San Pedro de Mezonzo é un templo católico situado na área de Catro Camiños (A Coruña).

Descrición[editar | editar a fonte]

A igrexa de San Pedro de Mezonzo foi deseñada polo arquitecto Francisco Echenique Gómez nun estilo clásico do gusto das autoridades franquistas da época. Ten unhas dimensións de 30 x 60 m e a fachada está delimitada por dúas torres con campanario de máis de 40 m.[1] É basicamente de formigón, con partes en pedra e mármore e dúas vidreiras. Sobre a portada hai unha escultura de pedra da Virxe María e dous anxos.[2]

O interior de planta de cruz latina con tres naves. A luz entra por unha cúpula de 30 m arrodeada pola lenda Salve Regina.[2]

Historia[editar | editar a fonte]

O crecemento demográfico da Coruña dende o século XIX provocara a creación da nova parroquia de Santa Lucía no ensanche da cidade. Coa fusión nunha das parroquias de Santiago e Santa María na Cidade Vella púidose establecer unha nova parroquia, a de San Pedro de Mezonzo. Esta constituíuse o 1 de xaneiro de 1930, con José Toubes Pego como primeiro párroco. [3]

O primeiro templo parroquial foi a capela de Santa Lucía, demasiado pequena para a poboación do barrio, o que fixo que deseguida se pensase na construción dunha nova igrexa.[1] Entre os proxectos destaca a proposta de Antonio Tenreiro, de estilo expresionista.[4] Na década de 1950 chegouse a falar de trasladar a fachada do mosteiro de Monfero, entón en ruínas, para o novo templo.[5]

A igrexa actual foi inaugurada en 1964.[1]

Galería[editar | editar a fonte]

  • Fachada
    Fachada
  • Detalle da cristaleira
    Detalle da cristaleira
  • Interior
    Interior
  • Cúpula
    Cúpula

Notas[editar | editar a fonte]

  1. ↑ 1,0 1,1 1,2 García Cortés 2012, p. 95.
  2. ↑ 2,0 2,1 García Cortés 2012, p. 96.
  3. ↑ García Cortés 2012, p. 94.
  4. ↑ Agrasar, Fernando, ed. (2007). Antonio Tenreiro 1893-1972 (en castelán). COAG. p. 74-78. ISBN 978-84-96712-08-9. 
  5. ↑ Prieto, Nuria (26/01/2022). "La iglesia de San Pedro de Mezonzo de A Coruña, un templo que estuvo al borde del ‘trasplante’". quincemil (en castelán). 

Véxase tamén[editar | editar a fonte]

Bibliografía[editar | editar a fonte]

Traído desde «https://gl.wikipedia.org/w/index.php?title=Igrexa_de_San_Pedro_de_Mezonzo_da_Coruña&oldid=6283399»