Igrexa de Santa Lucía da Coruña

Na Galipedia, a Wikipedia en galego.
Saltar ata a navegación Saltar á procura
Igrexa de Santa Lucía da Coruña
Igrexa parroquial Santa Lucia na Coruña.jpg
Fachada da igrexa.
Datos xerais
TipoIgrexa parroquial
AdvocaciónLucía de Siracusa
LocalizaciónA Coruña, A Coruña, Galicia
Coordenadas43°21′55.9″N 8°24′24.9″O / 43.365528, -8.406917Coordenadas: 43°21′55.9″N 8°24′24.9″O / 43.365528, -8.406917
Culto
CultoCatólico
DioceseSantiago de Compostela
Arquitectura
Construción1899-1913
Estiloecléctico

A igrexa de Santa Lucía é un templo relixioso da Coruña, situado na praza de Lugo do Ensanche.

Descrición[editar | editar a fonte]

A igrexa foi construída en cemento e pedra en estilo ecléctico con detalles neorrománicos e modernistas segundo o proxecto de Manuel Hernández y Álvarez Reyero.[1] A torre, con elementos renacentistas,[2] remata nun chapitel piramidal.[3]

O interior ten unha soa nave de 50 metros en forma de cruz latina con oito capelas laterais.[1]

Historia[editar | editar a fonte]

A poboación do barrio de Santa Lucía pertencía á parroquia de San Xurxo e era atendida na capela homónima desde 1777.[4] Esta capela reconstruíuse despois do cerco de Drake. Desde 1930 a 1964 foi a sede provisional da nova parroquia de San Pedro de Mezonzo antes de ser demolida en 1969 polos desmontes que se realizaron para construír a ronda de Nelle e a avenida da Vedra.[5]

Porén, o aumento da poboación fixo que se solicitase a creación dunha nova parroquia xa en 1867.[6] Finalmente a construción dun novo templo, decisión que tomou o cardeal José María Martín de Herrera, non chegou ata o 1 de xullo de 1890.[7]

A construción iniciouse o 20 de agosto de 1899 e rematouse o 28 de marzo de 1913. O interior continuou a modificarse ata a década de 1950.[7]

En 1965 acaroouse un edificio destinado aos locais parroquiais.[1]

Notas[editar | editar a fonte]

Véxase tamén[editar | editar a fonte]

Bibliografía[editar | editar a fonte]

  • García Cortés, Carlos (2012). Templos coruñeses. Historia-Arte-Culto (en castelán). Xerión. ISBN 978-84-936595-5-4. 
  • Martínez Suárez, Xosé Luís; Casabella López, Xan (1989). Catálogo arquitectura. A Coruña 1890-1940. COAG. ISBN 978-84-85665-09-9. 

Ligazóns externas[editar | editar a fonte]