Palacio de María Pita

Palacio de María Pita
	Fachada do palacio municipal.
Edificio
Localización	Praza de María Pita, 1,; 15001, A Coruña
Coordenadas	43°22′17″N 8°23′45″O / 43.3713, -8.39592Coordenadas: 43°22′17″N 8°23′45″O / 43.3713, -8.39592
	; Palacio de María Pita Localización do Palacio de María Pita en Galicia.
Uso(s)	Sede do concello
Construción
Inicio	1904
Remate	1912
Equipo
Arquitecto(s)	Pedro Mariño
	[ editar datos en Wikidata ]

O palacio de María Pita, ou tamén pazo de María Pita,^[1] é un edificio de estilo ecléctico que ocupa a fronte norte da praza de María Pita, na cidade da Coruña.

Foi proxectado polo arquitecto Pedro Mariño e construído entre os anos 1904 e 1912. Atópanse nel diversas dependencias administrativas do Concello, o Salón de plenos, os despachos do Alcalde e dos concelleiros e o Museo do Reloxo. Tamén é chamado Palacio Municipal.

Sobre a súa arcada ten escrito en castelán:

"Casas consistoriales de la muy noble y muy leal ciudad de La Coruña, cabeza, guarda y llave, fuerza y antemural del Reino de Galicia".^[2]

Descrición[editar | editar a fonte]

O palacio é un edificio de estilo ecléctico, inspirado no neoclasicismo e na ampliación do palacio do Louvre de Napoleón III.^[3] Os soportais dan acceso a un amplo vestíbulo con dúas escaleiras. As torres están recubertas de cinc e baixo a torre do reloxo atópase o escudo da cidade e catro cariátides que representan as provincias galegas.^[4]

Historia[editar | editar a fonte]

Dende o século XVI a sede do concello da Coruña estaba situada nunha casa da praza da Fariña, mais en febreiro de 1837 trasladouse ao número 23 da rúa da Franxa, abandonando a Cidade Vella. Non obstante o 9 de marzo dese mesmo ano, unha real orde propiciou o traslado ao que fora convento de Santo Agostiño, acaroado á igrexa de San Xurxo, do que tomaron posesión o 13 de decembro de 1838.^[3]

Tralo decreto que permitía o derrubamento das murallas, o arquitecto Faustino Domínguez Domínguez deseñou unha praza na que destacaba o edificio que serviría de sede ao consistorio. Finalmente as obras do palacio non se iniciaron ata o comezo do século XX, xa segundo o proxecto de Pedro Mariño.^[3]

Galería de imaxes[editar | editar a fonte]

Artigo principal: Galería de imaxes da casa do concello da Coruña.

Notas[editar | editar a fonte]

↑ "María Pita acolleu a primeira reunión Ferreiro-Caballero". Arquivado dende o orixinal o 29 de novembro de 2018. Consultado o 29 de novembro de 2018.
↑ En galego, "Casas consistoriais da moi nobre e moi leal cidade da Coruña, cabeza, garda e chave, forza e antemural do Reino de Galicia".
↑ ^3,0 ^3,1 ^3,2 Fernández Fernández, Xosé. El ayuntamiento y la plaza de María Pita de La Coruña. Recortables de La Coruña.
↑ Ficha en Turgalicia.