Convento de Santa Bárbara da Coruña

Na Galipedia, a Wikipedia en galego.
Convento de Santa Bárbara da Coruña
Convento de Santa Bárbara, La Coruña, España, 2015-09-25, DD 84.jpg
Entrada ao convento.
Datos xerais
Tipo Convento
Advocación Santa Bárbara
Localización A Coruña, A Coruña, Galicia
Coordenadas 43°22′15″N 08°23′30″O / 43.37083, -8.39167Coordenadas: 43°22′15″N 08°23′30″O / 43.37083, -8.39167
Culto
Culto Católico
Diocese Santiago de Compostela
Orde relixiosa Clarisas
Arquitectura
Construción Séculos XV ao XVIII

O convento de Santa Bárbara é un convento de clausura situado na praza homónima da Cidade Vella da Coruña.

Historia[editar | editar a fonte]

Interior do convento.

O convento construíuse sobre unha capela do século XV próxima á muralla.[1] Aparece citado por primeira vez nun documento de 1444 e a súa fundación foi aprobada en 1491 polo papa Alexandre VI.[2]

A partir do século XVI o convento consolidouse e recibiu un gran número de doazóns. Ademais acolleu as monxas que chegaron en 1682 para fundar a orde das Marabillas, e que se estableceron no que logo foi o convento das Capuchinas.[2]

O edificio foi modificado e ampliado en múltiples ocasións.

Descrición[editar | editar a fonte]

Do edificio medieval non se conserva mais que o relevo que preside a porta e que foi colocado aí en 1613[1] e que puido pertencer a un baldaquino ou a un sartego gótico do século XIV. Representa a peregrinación como unha das vías penitenciais para a salvación. Mostra o Xuízo Final e está presidido pola Trindade; o Pai Eterno sostén a Cristo crucificado, acompañado pola lúa e o sol. Á esquerda, o arcanxo San Miguel pesa as almas de peregrinos e monxes que van chegando pola dereita, entre árbores. Á dereita aparecen San Miguel e un dragón. No interior, outro relevo (pertencente talvez á capela primitiva) mostra a Santa Catarina e a Santa Bárbara. Consérvase ademais un arco apuntado.

O edifico posúe un patio de acceso á igrexa e unha torre miradoiro. O lenzo mural que pecha a praza á que dan os dormitorios das monxas foi deseñado por Fernando de Casas Novoa na primeira metade do século XVIII. A lentitude da súa construción explica a data 1786 que aparece na fachada.[1]

Notas[editar | editar a fonte]

  1. 1,0 1,1 1,2 PEPRI
  2. 2,0 2,1 "Los seis siglos del convento de Santa Bárbara". El Ideal Gallego (en español). 3-1-2016. Consultado o 24-6-2016. 

Véxase tamén[editar | editar a fonte]

Ligazóns externas[editar | editar a fonte]