IES Eusebio da Guarda

Na Galipedia, a Wikipedia en galego.
Saltar ata a navegación Saltar á procura

Coordenadas: 43°22′06″N 8°24′26″O / 43.36838, -8.40735

IES Eusebio da Guarda
IES Eusebio da Guarda A Coruña.jpg
Instituto de Ensino Eusebio da Guarda, A Coruña.
Enderezo
Praza de Pontevedra, A Coruña
Datas
Creación1886
Inauguración1889
Apertura1890
Reformas1941
Educación
EnsinanzasEducación Secundaria Obrigatoria e Bacharelato
Xestión
TipoPúblico
Xunta de Galicia
DirectorMª Isabel Ruso de Lago
Na rede
Web

O IES Eusebio da Guarda é un instituto de ensino secundario da cidade da Coruña.[1] A súa construción iniciouse en 1886 e rematouse en 1889 promovida polo filántropo Eusebio da Guarda González. Tanto na súa orixe como na actualidade o instituto era mixto[2].

Historia

En 1845 creáronse os institutos de Santiago, Ourense e Pontevedra. Destes, o que estaba máis preto da cidade era o de Santiago. O plano de ensino proxectaba un instituto en cada capital de provincia. En 1848 creouse outro instituto en Monforte. A construción do instituto apróbase finalmente en 1862. Entón a cidade era a máis poboada da Galiza con 27.000 habitantes. En Santiago estudaban 300 alumnos no instituto e a previsión para o da Coruña era duns 50.

A primeira sede do instituto da Coruña foi o pazo dos marqueses de Camarasa na rúa Ferrerías. Na cidade había estudos de Náutica, Comercio, Belas Artes e Bacharelato. En 1881 Eusebio da Guarda ofrece un millón de pesetas ao concello para a construción dun novo instituto no lugar ocupado polo antigo baluarte de Caramanchón, contiguo ao barrio da Peixería. O Estado debera ceder os terreos. O edificio foi deseñado polo arquitecto Faustino Domínguez Coumes-Gay.

Centro de ensino

No curso 1889-1890, previo ao comezo da actividade académica no novo edificio, obtiveron o título de bacharelato un total de 26 alumnos, todos rapaces. Daquela o ensino a rapazas non estaba segregado do dos rapaces, mais era unha rareza: a primeira alumna que cursou estudos de bacharelato no antigo instituto da Coruña foi no ano 1875.

En 1941 construíuse na cidade o Instituto Masculino, pasando o Eusebio da Guarda a ser exclusivamente feminino, ate que no ano 1986 volveu a ser mixto.

Polas súas aulas pasaron como profesores e alumnos célebres entre outros:

Notas