Mercado Municipal de Santo Agostiño
Coordenadas: 43°22′19″N 8°23′53″O / 43.37194, -8.39806
O Mercado Municipal de Santo Agostiño, comunmente coñecido polo seu nome en español Mercado de San Agustín, é un mercado de alimentación ou praza de abastos propiedade do Concello da Coruña. Foi construído entre 1932 e 1938 baixo deseño dos arquitectos municipais Antonio Tenreiro e Santiago Rey Pedreira sobre os terreos doutro mercado preexistente que contaba con equipamentos moito máis básicos[1].
Desde 1898, distintos autores como Pedro Mariño e Antonio de Mesa xa aportaran tres proxectos de mercados de ferro,[2] todos rexeitados por cuestións económicas. Xa que no período de entreguerras, unha construción do predio en ferro non era realmente viábel por mor da escaseza deste material[3]. Finalmente, a obra tomaría a mesma solución, construtiva, formal e funcional, do Mercado Central de Reims, obra de Maigrot e Freyssinet, de 1927. A cubrición do espazo cunha lámina de formigón parabólica, estabilizada por pequenas bóvedas transversais nos seus lados maiores, sería un modelo amplamente utilizado neste tipo de construcións[1]. O cálculo da bóveda realizouno o enxeñeiro Eduardo Torroja.[4]
Notas[editar | editar a fonte]
- ↑ 1,0 1,1 "Mercado de San Agustín". Fundación Do.Co.Mo. Ibérico. Consultado o 31-03-2016.
- ↑ Fernández Fernández, José (1987). Breve noticia de los mercados coruñeses en hierro (en castelán). Universidade da Coruña. Consultado o 31-3-1978.
- ↑ "Mercado de San Agustín (La Coruña)". Urbipedia. Consultado o 31-03-2016.
- ↑ Martínez Suárez & Casabella López 1989, pp. 186-187.
Véxase tamén[editar | editar a fonte]
 |
A Galipedia ten un portal sobre: A Coruña |
Bibliografía[editar | editar a fonte]
- Martínez Suárez, Xosé Luís; Casabella López, Xan (1989). Catálogo arquitectura. A Coruña 1890-1940. COAG. ISBN 978-84-85665-09-9.
Ligazóns externas[editar | editar a fonte]
- Mercado Municipal de Santo Agostiño na web oficial do Concello da Coruña
- Ficha en do.co.mo.mo.
- El mercado de San Agustín: nuestra casa efímera (en castelán)