Museo Nacional de Ciencia e Tecnoloxía

Na Galipedia, a Wikipedia en galego.

Coordenadas: 43°22′24″N 8°25′13″O / 43.37333, -8.42028

Museo Nacional de Ciencia e Tecnoloxía
Porta muncyt.jpg
Prisma de Cristal, MUNCYT, A Coruña.
País Galicia Galicia
Cidade A Coruña
Tipo Científico, tecnolóxico
Director Ramón Núñez Centella
Construción Victoria Acebo e Ángel Alonso
Inauguración 2012
Superficie 6500 m² [1]
Sitio Web muncyt.es

Museo Nacional de Ciencia e Tecnoloxía, tamén chamado MUNCYT ou Museo Nacional de Ciencia y Tecnología de España, é un museo dependente da Secretaría de Estado de Investigación, Desenvolvemento e Innovación do Ministerio de Economía e Competitividade, xestionado pola Fundación Española para a Ciencia e a Tecnoloxía (FECYT) e dirixido por Ramón Núñez Centella. A súa sede principal está na Coruña e ten outra sede en Madrid.[2]

Contidos[editar | editar a fonte]

No museo expóñense diversas pezas da historia tecnolóxica de España e Galicia entre as que están algunha relacionada coa cidade da Coruña, como a anterior lanterna da Torre de Hércules que funcionou entre 1857 e 1904. Tamén se pode ver e visitar a cabina do avión que trouxo a España o Guernica de Picasso dende Nova York, unha pequena exposición da historia tecnolóxica en España, iniciativas industriais e a evolución dos medios de comunicación escritos e informáticos.

Antiga lanterna da Torre de Hércules, MUNCYT A Coruña.

Existen visitas guiadas e proxeccións.

Historia da sede coruñesa[editar | editar a fonte]

O Museo foi inaugurado o 4 de maio de 2012 polos Príncipes de Asturias, se ben non se abriu ó público ata o mes de xuño.

O edificio fora construído pola Deputación da Coruña e ía ser unha escola de artes. A construción, chamada «Prisma de Cristal», deseñada por aceboXalonso Studio,[3] gañou o primeiro premio da IX Bienal Española de Arquitectura e Urbanismo[4] e foi reconvertido, con pequenas modificacións, na sede principal do MUNCYT. É un edificio de formigón e cristal con dous andares abertos e comunicados a diversos niveis. A maqueta do edificio exhibiuse no MoMA de Nova York como un dos mellores deseños arquitectónicos actuais.

O seu director, Rámon Núñez, foi director dos museos coruñeses (Casa das Ciencias, Domus e Aquarium Finisterrae), posto que deixou para poñer en funcionamento este novo museo na cidade. Espera acadar os 200.000 visitantes ao ano.[5]

En novembro de 2012 o museo acadou os 50.000 visitantes cun grupo de estudantes de Coristanco[6].

Instalacións[editar | editar a fonte]

  • As salas
    • Sala Miscelánea
    • Sala Maiúsculas
    • Sala Patrimonio
    • Sala Innovación española
    • Sala Iberia
    • Século XX
    • Expos Interinas

Galería de imaxes[editar | editar a fonte]

  • Antena parabólica de Televés no MUNCYT A Coruña.

  • Vista do teito interior do museo.

  • Porta, limiar do MUNCYT A Coruña.

  • Cabina do Jumbo Lope de Vega de Iberia na Sala Iberia.

  • Prisma de Cristal

  • Placa en lembranza da inauguración do edificio o 4 de maio de 2012 polos Príncipes de Asturias.

Notas[editar | editar a fonte]

  1. ↑ Datos en culturiplan.org
  2. ↑ Páxina web oficial do MUNCYT.
  3. ↑ Original project: Arts Centre of A Coruna Museum and Dance School. First Prize International Competition (en inglés).
  4. ↑ O Prisma de Cristal, un novo miradoiro científico na Coruña.
  5. ↑ El MUNCYT espera recibir 200.000 visitantes en A Coruña en un año (en castelán).
  6. ↑ Escolares de Coristanco se convierten en el visitante 50.000 del Muncyt de A Coruña. La Voz de Galicia

Véxase tamén[editar | editar a fonte]

Commons-logo.svg Wikimedia Commons ten máis contidos multimedia na categoría:  Museo Nacional de Ciencia e Tecnoloxía
Escudo de A Coruña.svg
 A Galipedia ten un portal sobre: A Coruña

Ligazóns externas[editar | editar a fonte]

Control de autoridades
Traído desde "https://gl.wikipedia.org/w/index.php?title=Museo_Nacional_de_Ciencia_e_Tecnoloxía&oldid=3897658"