Rairiz de Veiga

Na Galipedia, a Wikipedia en galego.
Saltar ata a navegación Saltar á procura

Coordenadas: 42°4′59″N 07°49′56″O / 42.08306, -7.83222

Rairiz de Veiga
Escudo de Rairiz de Veiga
Concello de Rairiz de Veiga.JPG
Casa do Concello.
Situacion Rairiz de Veiga.PNG
Situación
Xentilicio[1]veiguense (non oficial)
Xeografía
ProvinciaProvincia de Ourense
ComarcaComarca da Limia
Poboación1.266 hab. (2019)[2]
Área72,39 km²[3]
Densidade17,49 hab./km²
Entidades de poboación8 parroquias
Política (2019[4])
AlcaldesaAsunción Morgade (PPdeG[5])
Concelleiros
PPdeG: 5
PSdeG-PSOE: 2
Outros: AGER 2
Eleccións municipais en Rairiz de Veiga
Uso do galego[6] (2011)
Galegofalantes93,49%
Na rede
http://www.rairizdeveiga.es
concello.rairizdeveiga@eidolocal.es
editar datos en Wikidata ]

Rairiz de Veiga é un concello da provincia de Ourense, pertence á comarca da Limia. Segundo o padrón municipal, en 2014 tiña 1.456 habitantes (1.767 en 2003).

Demografía[editar | editar a fonte]

Censo Total 1.456 (2014)
Menores de 15 anos 80 (5,49 %)
Entre 15 e 64 anos 780 (53,57 %)
Maiores de 65 anos 596 (40,93 %)
Evolución da poboación de Rairiz de Veiga   Fontes: INE e IGE.
1900 1930 1950 1981 2004 2009 2011 2012 2013 2014 2015 2016 2017 2018 2019 2020 2021
4.084 4.151 4.463 4.114 1.788 1.673 1.622 1.568 1.527 {{{13}}} {{{14}}} {{{15}}} {{{16}}} {{{17}}}
(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Xeografía[editar | editar a fonte]

O concello ten unha superficie de 72,39 km², e abrangue 8 parroquias. Atópase na Limia Alta, a unha altitude entre 600 e 1000 m. Ocupa parte dos terreos antigamente anegados pola lagoa de Antela, conservándose algunhas charcas, como as Veigas da Ponte Liñares. As Veigas da Saínza, Ordes e Congostro forman unha valgada enchoupada, de pouca drenaxe. A zona está dentro da zona especial de conservación (ZEC) de Veiga de Ponteliñares[7][8]. Estas veigas adoitan ser zonas húmidas nas tempadas de choiva, permitindo unha grande riqueza biolóxica nos pastos e nas carballeiras. É por iso que está está incluída na Rede Natura 2000. Ademais forma parte da reserva da biosfera Área de Allariz. Alí atópase a carballa da Rocha.

Historia[editar | editar a fonte]

Na zona foron achados restos de palafitas, construcións propias de poboados á beira de lagos e lagoas feitas con madeira e barro, de planta circular e paramentos de cestería. Durante a cultura castrexa houbo asentamentos como o castro de Monte Albán (parroquia de Sabariz), escavado a comezos do s. XX por Florentino López Cuevillas e Vicente Risco, e onde apareceu un enxoval con numerosas pezas de cerámica campaniforme e outros materiais.

Quedou bastante pegada da romanización de Galicia, ao pasar por aquí a Vía Nova ou Vía XVIII do itinerario de Antonino entre Braga e Astorga, que cruzaba o río Limia na Ponte Pedriña.

Na idade media construíuse a Torre de Celme, da que non quedan restos. Xa na idade moderna construíronse o pazo de Santa María de Ordes, un conxunto de casas grandes e capela, na actualidade reformado. respecto á arquitectura relixiosa, a igrexa de Guillamil é de estilo románico. As de Lampaza e Rairiz de Veiga son do s. XVIII con portada renacentista. As de Candás, Congostro, Ordes e Sabariz son barrocas.

Durante o antigo réxime na xurisdición de Rairiz de Veiga impartían xustiza o Conde de Moctezuma (parroquias de Congostro e Ordes) e o Conde de Monterrei. O actual concello constituíuse coa división territorial de España en 1833.

Galería de imaxes[editar | editar a fonte]

Parroquias[editar | editar a fonte]

Galicia | Provincia de Ourense | Parroquias de Rairiz de Veiga

Candás (San Martiño) | Congostro (Santa Mariña) | Guillamil (Santo André) | Lampaza (Santa María) | Ordes (Santa María) | Rairiz de Veiga (San Xoán) | Sabariz (San Pedro) | Zapeaus (Santo Adrao)

Lugares de Rairiz de Veiga[editar | editar a fonte]

Para unha lista completa de todos os lugares do concello de Rairiz de Veiga vexa: Lugares de Rairiz de Veiga.

Notas[editar | editar a fonte]

  1. Véxase no Galizionario.
  2. Instituto Nacional de Estadística, ed. (27 de decembro de 2019). "Cifras oficiales de población resultantes de la revisión del Padrón municipal a 1 de enero". Consultado o 2 de xuño de 2020. (en castelán).
  3. Instituto Galego de Estatística. (2019) "Rairiz de Veiga".Información municipal. Sociedade e poboación. Xunta de Galicia.Este produto emprega a API de datos do Instituto Galego de Estatística (IGE), pero non está certificado ou aprobado polo IGE.
  4. Ministerio do Interior, Goberno de España (ed.). "Resultados eleccións 2019". Consultado o 10 de xuño de 2019. 
  5. Federación Galega de Municipios e Provincias (ed.). "Rairiz de Veiga". www.fegamp.gal. Consultado o 15 de setembro de 2019. 
  6. Neira, Carlos. "Evolución do uso do galego por concellos". Consultado o 14 de outubro de 2014. 
  7. Consellaría de Medio Ambiente e Ordenación do Territorio, Xunta de Galicia (eds.). "Veiga de Ponteliñares". Consultado o 18/10/2019. 
  8. Axencia Ambiental Europea - Unión Europea (eds.). "ES1130006 Veiga de Ponteliñares". Consultado o 18/10/2019. 

Véxase tamén[editar | editar a fonte]