Vía Nova
| ||||
| Tipo | sitio arqueolóxico romano  | |||
|---|---|---|---|---|
| Parte de | Itinerario de Antonino | |||
| Localización | ||||
| División administrativa | Campo do Gerês, Portugal | |||
| Localización | Gallaecia | |||
| ||||
| Características | ||||
| Atravesa | Portugal, España e Roma Antiga | |||
| Monumento nacional de Portugal | ||||
| Data | 2013 | |||
| Identificador | 69709 | |||
| Historia | ||||
| Período | Imperio Romano | |||
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
A vía Nova, no itinerario de Antonino a Vía XVIII, era a vía romana que unía as cidades de Bracara Augusta (Braga) e Asturica Augusta (Astorga) ó longo dunhas 215 millas romanas (uns 318 quilómetros).
Traxectoria
[editar | editar a fonte]A vía atravesaría a actual provincia de Ourense seguindo unha diagonal do suroeste a nordés. É unha das vías galegas das que mellor se coñece o seu trazado. A vía tiña unha lonxitude de 215 millas romanas. O gobernador da provincia Citerior naquel tempo era Illote Calpetano Rantio Quirinal Rufo Valerio Festo.[1]
Construción
[editar | editar a fonte]Segundo a información extraída dos miliarios dedicados a Tito Flavio Vespasiano e ó seu irmán Domiciano, construiríase entre os anos 79 e 80 da nosa era.[1] Sería restaurada en tempos de Maximino e o seu fillo Máximo. O seu trazado vén reflectido con detalle no Itinerario de Antonino (século III).
Unha das mansio (parada de postas e hospedaxe) que aparecen neste itinerario estaba situada no actual Sandiás. No seu trazado estaban sinalizadas os millia passum con miliarios, solitarios ou en grupo. Este trazado é o que conserva o maior número de miliarios de toda Europa, concretamente 281.
Conserva os seguintes monumentos epigráficos:
- Miliarios, sinalizan os millia passum.
- Aras, dedicadas aos Lares viais.
- Inscricións honoríficas, como a dedicada a Traxano na Ponte do Bibei.
Mansións viarias
[editar | editar a fonte]As etapas ou mansións do servizo de correos (Cursus publicus), desde Braga, citadas no Itinerario de Antonino, coa súa redución actual, son as seguintes:
- Bracara Augusta (Braga)
- Salaniana (Chorense, Terras de Bouro)
- Aquis Originis (Os Baños, Río Caldo, Lobios)
- Aquis Querquennis (Baños de Bande)
- Geminis (Sandiás)
- Salientibus (Baños de Molgas)
- Praesidio (O Burgo)
- Nemetobriga (Mendoia)
- Forum gigurrorum (ponte da Cigarrosa, A Rúa)
- Gemestario (O Robledo da Lastra)
- Bergido (Castro da Ventosa, Cacabelos)
- Interamnio Flavio (San Román de Bembibre)
- Asturica Augusta (Astorga)
Notas
[editar | editar a fonte]- ↑ 1,0 1,1 García Díaz, Jesús Manuel. "A Vía Nova ou Vía XVIII". Consultado o 05/09/2022.
Véxase tamén
[editar | editar a fonte]Bibliografía
[editar | editar a fonte]- Rodríguez Colmenero, Antonio; Ferrer Sierra, Santiago; Álvarez Asorey, Rubén D. (2004). Miliarios e outras inscricións viarias romanas do Noroeste hispánico (conventos bracarense, lucense e asturicense) (PDF). Santiago de Compostela: Consello da Cultura Galega. ISBN 84-95415-87-9.
 |
Wikimedia Commons ten máis contidos multimedia na categoría: Vía Nova |
