Beade

Para outras páxinas con títulos homónimos véxase: Beade.

Beade
Nome oficial     Beade (gl)
Vista de Beade dende a capela da Misericordia
Instancia de concello de Galicia  Parte de Mancomunidade I. V. do Ribeiro  Lista do elemento eleccións municipais en Beade
Implicados  Xefe do goberno Cargo: alcalde de Beade Fernando Taboada Guntín (2023 - )
Localización  Situado en  provincia de Ourense, Galicia, España  Capital Beade  Comparte fronteira con Ribadavia Leiro Carballeda de Avia Cenlle  OpenStreetMap  Coordenadas 42°20′05″N 8°08′44″O
Cifras e dimensións  Poboación 606 (2001) rexistro civil 607 (2002) rexistro civil 578 (2004) rexistro civil 559 (2005) rexistro civil 553 (2006) rexistro civil 557 (2007) rexistro civil 525 (2008) rexistro civil 521 (2009) rexistro civil 515 (2010) rexistro civil 515 (2011) rexistro civil 500 (2012) rexistro civil 465 (2013) rexistro civil 464 (2014) rexistro civil 451 (2015) rexistro civil 427 (2016) rexistro civil 411 (2017) rexistro civil 404 (2018) rexistro civil 397 (2019) rexistro civil 384 (2020) rexistro civil 379 (2021) rexistro civil 372 (2022) rexistro civil 364 (2023) rexistro civil 366 (2024) rexistro civil 363 (2025) rexistro civil  Poboación feminina    190 (2019)  Poboación masculina    207 (2019)  Superficie    6 km²  Altitude    158 m
Códigos e identificadores Código postal 32431 Código INE 32010 OpenStreetMap 339719 Freebase /m/0h08gy
Fontes e ligazóns
Wikidata G:Commons C:Commons

Beade é un concello da provincia de Ourense, pertencente á comarca do Ribeiro, un dos máis pequenos en extensión e menos poboados de Galicia. Segundo o IGE en 2022 tiña 372 habitantes (500 en 2012, 557 en 2007, 553 no 2006, 559 no 2005, 578 no 2004, 576 en 2003). O seu xentilicio (véxase no Galizionario) é beadés.

Demografía

Censo total	397 (2019)
Menores de 15 anos	29 (7.30 %)
Entre 15 e 64 anos	224 (56.42 %)
Maiores de 65 anos	144 (36.27 %)

Evolución da poboación de Beade   Fontes: INE e IGE.
1900	1930	1950	1981	2004	2009	2011	2012	2013	2014	2015	2016	2017	2018	2019	2020	2021	2022	2023	2024
1738	1225	1250	1204	578	515		500
(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Historia

Na Idade Media a freguesía de Beade (que abranguía as parroquias de Abelenda (Avión), Beiro, Faramontaos, Muimenta (Carballeda de Avia), Orega, Berán (Leiro) e As Regadas), pertencía á Orde de San Xoán de Xerusalén, que exercía señorío a través dunha encomenda.

A Encomenda de Beade, que chegou a pertencer ao priorado de Castela, era no século XVIII a máis importante de Galiza xunto coa de Quiroga. A súa influencia aumentou nese mesmo século ao absorber a Encomenda de Pazos de Arenteiro, que pertencera á Orde do Temple, incorporando ás súas posesións o propio Pazos de Arenteiro, Albarellos Astureses (Boborás), Cusanca, Dadín, Parada de Labiote e Reádigos (O Irixo).

En 1809, durante a Guerra da Independencia Española a zona foi saqueada polos franceses. En 1823 sufriu outro saqueo, a mans dos realistas contrarios ós liberais desta zona. En xullo de 1836 a parroquia de Beade foi atacada por tropas carlistas baixo as ordes de Guillade e Pobadura, pero a agresión foi repelida coa axuda dos veciños das Regadas e Cenlle.

A mañá do 7 de outubro de 2013, a casa consistorial do Concello de Beade foi obxecto dun atentado que causou graves danos materiais, pero que non causou danos persoais.

Galería de imaxes

Artigo principal: Galería de imaxes de Beade.

• 
  Calvario de Beade.
• 
  Porta en Beade.

Parroquias

Nalgúns mapas Beade abrangue tamén a parroquia de San Cristovo de Regodeigón, que desde o primeiro terzo do século pertence a Ribadavia.

Lugares de Beade

Para unha lista completa de todos os lugares do concello de Beade vexa: Lugares de Beade.

Véxase tamén

Outros artigos

• Eleccións municipais en Beade