O Bolo

Para outras páxinas con títulos homónimos véxase: O Bolo.

O Bolo
Nome oficial O Bolo (gl) dende 1985 El Bollo (es) dende 1877 ata 1985 Bollo (es) ata 1877
Instancia de concello de Galicia  Lista do elemento Eleccións municipais no Bolo
Implicados  Xefe do goberno Cargo: alcalde do Bolo Manuel Corzo
Localización  Situado en  provincia de Ourense, Galicia, España  Capital O Bolo  Comparte fronteira con Manzaneda A Veiga Petín Larouco Viana do Bolo  OpenStreetMap  Mapas  Coordenadas 42°18′24″N 7°05′56″O
Cifras e dimensións  Poboación 1.374 (2001) rexistro civil 1.345 (2002) rexistro civil 1.286 (2004) rexistro civil 1.246 (2005) rexistro civil 1.223 (2006) rexistro civil 1.187 (2007) rexistro civil 1.174 (2008) rexistro civil 1.139 (2009) rexistro civil 1.117 (2010) rexistro civil 1.117 (2011) rexistro civil 1.084 (2012) rexistro civil 1.060 (2013) rexistro civil 1.013 (2014) rexistro civil 988 (2015) rexistro civil 963 (2016) rexistro civil 938 (2017) rexistro civil 917 (2018) rexistro civil 884 (2019) rexistro civil 850 (2020) rexistro civil 828 (2021) rexistro civil 824 (2022) rexistro civil 806 (2023) rexistro civil 792 (2024) rexistro civil 789 (2025) rexistro civil  Poboación feminina    436 (2019)  Poboación masculina    448 (2019)  Superficie    91 km²  Altitude    785 m
Fontes e ligazóns Código postal 32373 Código INE 32015 OpenStreetMap 339729 VIAF 316734537 Freebase /m/0h08ph  Páxina WEB obolo.es
Wikidata G:Commons C:Commons

O Bolo (do latín bullum, 'outeiro') é un concello da provincia de Ourense, pertencente á comarca de Valdeorras. Segundo o padrón municipal en 2014 tiña 1013 habitantes (1326 en 2003). O xentilicio é bolés.

Demografía

Censo rotal	1013 (2014)
Menores de 15 anos	53 (5,23 %)
Entre 15 e 64 anos	459 (45,31 %)
Maiores de 65 anos	501 (49,45 %)

Evolución da poboación do Bolo   Fontes: INE e IGE.
1900	1930	1950	1981	2004	2009	2011	2012	2013	2014	2015	2016	2017	2018	2019	2020	2021	2022	2023	2024
5204	5550	5285	3151	1286	1117
(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Xeografía

O concello, de 91,17 km², abrangue dezaoito parroquias. Limita ao norte cos municipios de Petín e Larouco, ao sur con Viana do Bolo, ao leste coa Veiga e ao oeste con Manzaneda. Pertence ao partido xudicial de Trives e á diocese de Astorga.

Sitúase entre os ríos Bibei e o Xares, na depresión do Bolo, que separa o macizo de Manzaneda das Serras de Trevinca e Segundeira. Ten un relevo montañoso e accidentado, cunha depresión e unha unidade de máis altura cara ao oeste. A Fraga da Ramalla, cara ao norte, acada os 1.200 m de altitude.

A estrada C-533 enlaza o concello coa autovía A-52 e coa estrada N-120.

Historia

Antes da romanización de Galicia este territorio estaba ocupado polo pobo dos Németas, que terían a súa capital en Volobriga.

Durante a idade media A zona pertenceu ao condado de Lemos. Pedro I de Castela concedeu privilexios á vila do Bolo polo seu apoio a loita contra o seu irmán Henrique II. O castelo do Bolo foi derruído na Gran Guerra Irmandiña e reedificado por orde do conde de Benavente, Juan de Pimentel. Logo de diversos preitos entre a nobreza e a vila, os habitantes do Bolo pasaron a estar directamente baixo xurisdición real a finais do século XVI. No século XVIII o castelo é abandonado.

Durante a guerra da independencia española os habitantes da comarca de Valdeorras, liderados polo abade Casoio, impediron o paso do xeneral Soult. En 1812 creouse o municipio do Bolo. No Trienio liberal a maior parte da comarca pasou a formar parte da provincia do Bierzo, agás O Bolo, que foi adscrito á provincia de Ourense.

Patrimonio

A Torre do Bolo localízase nun lugar posiblemente ocupado anteriormente por un poboado castrexo. Consérvase a torre da homenaxe -de planta cadrada-, o alxibe e murallas co adarve. A torre acolle un centro de interpretación.

O Santuario de Nosa Señora das Ermidas, declarado Ben de Interese Cultural, é de arquitectura barroca do século XVIII.

A capela da Virxe dos Navallos está nun cruzamento de camiños do mesmo nome, e estaba situada orixinalmente no lugar da Pedra do Sol, onde se atopou unha ara romana adicada a este astro, do que recibe o nome. O templo é de orixe románica e tivo diversas restauracións. A fachada é de 1420.

En Mondón construíuse en 1903 un balneario de augas ferruxinosas.

Economía

Na economía local destaca o sector primario. Dentro do sector vitícola hai viños da Denominación de Orixe Valdeorras.

Galería de imaxes

Artigo principal: Galería de imaxes do Bolo.

• 
  Santuario de Nosa Señora das Ermidas.
• 
  O Bolo.
• 
  Cruceiro no Santuario de Nosa Señora das Ermidas.

Lugares do Bolo

Para unha lista completa de todos os lugares do concello do Bolo vexa: Lugares do Bolo.

Véxase tamén

Ligazóns externas

• www.obolo.es Arquivado 05 de marzo de 2016 en Wayback Machine., páxina oficial do concello.