Anastasio III, papa

Anastasio III, nado en Roma e finado en xuño de 913, foi o papa n.º 120 da Igrexa católica de 911 a 913.

Traxectoria

Segundo papa do período coñecido como "pornocracia", foi elixido grazas ao apoio de Teofilacto I, a súa esposa Teodora e a filla de ambos, Marozia, sendo practicamente un monicreque en mans desta familia.

Durante o seu pontificado os viquingos asentáronse na zona da actual Normandía obtendo o seu xefe Rollón o recoñecemento, por parte de Carlos o Simple, como lexítimo gobernante do territorio e a man da súa filla Xisela. O devandito territorio pasou a denominarse "o ducado dos homes de norte" (Nortmannia) de onde provén o actual nome de Normandía. Rollón converteuse ao cristianismo e foi bautizado como Roberto.

Á parte deste acontecemento non se deu durante o seu papado ningún outro de relevancia histórica.

Anastasio III faleceu ao parecer asasinado por orde de Teofilacto, en xuño de 913.

Predecesor: Serxio III

Papa 911 – 913

Sucesor: Lando

---

Este artigo sobre Papas é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---