Orde de Malta

Na Galipedia, a Wikipedia en galego.
(Redirixido desde "Orde de San Xoán de Xerusalén")
Orde de Malta
Inscrición fundacional, en galego, do hospital da orde de San Xoán de Portomarín (1521).

A Orde de Malta, tamén coñecida como Orde de San Xoán de Xerusalén ou Orde dos Hospitalarios, oficialmente Soberana Militar Orde Hospitalaria de San Xoán de Xerusalén de Rodas e de Malta é unha orde católica que reclama soberanía nacional e que ten status de observador permanente na ONU e considérase sucesora directa da orde medival dos Cabaleiros Hospitalarios. A Orde de Malta mantén relacións diplomáticas formais con 94 estados e ten a súa sede en Roma baixo a dirección dun Gran Mestre.

Historia[editar | editar a fonte]

A orixe da orde está no permiso que lle deron as autoridades musulmás de Palestina para que os comerciantes de Amalfi puideran reconstruír un antigo hospicio en Xerusalén para albergar peregrinos cristiáns, tras a primeira cruzada, o reitor do hospital, de nome Xerardo concibiu o establecemento dunha institución que se encargase da defensa dos peregrinos. O papa Pascual II recoñeceu a orde como irmandade hospitalaria en 1113, construíuse o primeiro hospital preto da Igrexa do Santo Sepulcro e comezou a dar escolta armada ao peregrinos, que medrou ata converterse nunha auténtica forza militar. Tralas derrotas fronte a Saladino O reino cristián de Xerusalén a orde embarca cara Europa, onde recibiu doazóns de cabaleiros devotos, aínda que finalmente acantoa os seus efectivos militares en Rodas, alí no século XIV o Papa prohibe a Orde dos Templarios e na mesma bula ordea que os seus bens sexan para a Orde dos Hospitalarios. Nembargantes o Imperio Otomán acaba expulsándoos de Rodas no XV e acabarán residindo en Malta ao ser este arquipélago entregado polo Imperio Español a esta orde católica xa que é importante a nivel táctico para o control do Mediterráneo contra o perigo otomán e os piratas berberiscos, fronte aos cales a Orde imporá a defensa da illa e fortificando a súa capital de tal forma que resistiu o sitio de Malta no século XVI, ata que Napoleón Bonaparte a tomou por sorpresa. Coa perda sa súa sede principal o lider vai para Italia para acabar pondo embaixada no Vaticano,xa que apesares das promesas do Imperio Británico este finalmnete non entregou a illa á orde.

A orde dos cabaleiros hospitalarios en Galicia[editar | editar a fonte]

Esta orde entrou en Galicia no século XIII, obtivo ao pouco tódalas terras e membros da Orde dos Templarios ao seren prohibidos, así recibiu as terras de Carballeda de Avia(onde o cruceiro fronte á igrexa ten unha cruz de Malta baixo o crucificado) e Pazos de Arenteiro. Fundaron varios hospitais ao longo do país nos que aínda se conserva o topónimo de O Hospital onde fornecían de coidados a peregrinos do Camiño de Santiago (tanto no camiño francés coma nos outros camiños) e cobraban a srendas qe lles correspondían como señores feudais do lugar.

Ligazóns externas[editar | editar a fonte]


Este artigo tan só é un bosquexo
 Este artigo é, polo de agora, só un bosquexo. Traballa nel para axudar a contribuír a que a Galipedia mellore e medre.