Alfredo Yáñez Domínguez
| Biografía | |
|---|---|
| Nacemento | Xares, España  |
| Morte | 5 de novembro de 1947 Sernande, Portugal (pt)  |
| Datos persoais | |
| Outros nomes | Aguirre Quinito |
| País de nacionalidade | España |
| Actividade | |
| Ocupación | membro da resistencia |
Alfredo Yáñez Domínguez, coñecido como Aguirre ou Quinito, nado en Xares (A Veiga) e finado en Felgueiras o 5 de novembro de 1947, foi un guerrilleiro antifranquista galego.
Traxectoria[editar | editar a fonte]
Obreiro do ferrocarril, veciño de Corzos e afiliado á Sociedad Obrera y Campesina de Xares da UGT. Logo do golpe de Estado do 18 de xullo de 1936 botouse ao monte no outono de 1936 con Manuel Álvarez Arias. De seguida formou un grupo independente que tivo actividade na Cabreira, Ponferrada, Viana do Bolo, O Barco de Valdeorras e A Gudiña. O seu grupo foi acusado de cometer tres asasinatos entre 1936 e 1943. Un dos seus membros, Panarra, entregouse á Garda Civil na Gudiña en xuño de 1939 e outro, Serio, foi morto o 29 de setembro de 1941 durante un choque coa Garda Civil en Zamora. Foi xulgado en Ourense por asasinato e declarado en rebeldía. Despois formou parte do grupo de Domingo Rodríguez Rodríguez na serra dos Corzos, aínda que nunca gustou de adaptarse ás organizacións guerrilleiras. Morreu nun enfrontamento con axentes españois e portugueses en Sermande (Portugal) o 5 de novembro de 1947.
Véxase tamén[editar | editar a fonte]
Bibliografía[editar | editar a fonte]
- Redondo Abal, Francisco Xavier (2006). Botarse ao monte. Censo de guerrilleiros antifranquistas na Galiza (1939-1965). Sada: Do Castro. p. 142. ISBN 84-8485-231-8.
Ligazóns externas[editar | editar a fonte]
- Alfredo Yáñez Domínguez na páxina web Nomes e Voces.
- Ficha en Los de la sierra